a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de عالم تالت - muhamed osama

verse1 (رامي دنجوان)

قافل على نفسه بابه قاعد لوحده حزين
قاعد في بيته منعزل فاقد الثقة بالبني آدمين
وحده .. ما هو طول حياته كان لوحده
حتى مع الناس كان بيحس انه لوحده
محدش فاهمه ومستوعبه محدش حاسس بيه
اللي مبينه للناس مش قد اللي مخبيه
اللي مقالوش لسانه فضحته وقالته عينيه
كل يوم بيسأل نفسه هو انا عايش ليه؟
كل الناس اتقدمت وانا وحدي واقف في مكاني
كل صحابي اتجوزوا وانا وحدي وحيد وبعاني
عاطل ، إيماني بالأمل كان إيمان باطل
وصلت لمستوى من الاحباط والاكتئاب واليأس القاتل
أحلام ، مسئوليات ، فشل ، حب ،اخفاقات ، تعب بدون انجازات
فجأة كمل 30 ، من بعد ما كنا شباب القلب الأبيض فجأة اهو شاب
لو كانت الدنيا عذاب في عذاب يبقي انا من ضمن الميتين

الدنيا حظوظ مش بنبص لحد في ماله
الدنيا فلوس مش موهوب والحظ ادّاله
الدنيا تدوس على اللي ماشي غلبان وفي حاله
الدنيا لبوص انا مش عايزها خليهاله
زاهد وبالباقي فيا من قوة بجاهد
ساعات بكون بطل ساعات بكون مشاهد
حبيت البلد دي والبلد دي ماحبتنيش
والحاجه اللي بتسيبني بسيبها متلزمنيش

verse2 (محمد أسامة)
كنت شخص مبتسم لإني جاهل باللي جي
بدون ما اتوقع إن القمر ممكن ينطفيله ضَي
كنت بسقي زرعي وردي في البلكونة كل يوم
كنت بأذاكر و اجتهد و بصحى بدري من النوم
كان تفاؤل اللي حواليا شيء إيجابي
كان جرابي ممتليء بكل حلم آتي من كتابي
أنا بحكي بدايتي في السذاجة يمكن تتعظ
تعرف إن أملك في الوطن بقى شيء مستفز
اليأس مش خيانة اليأس ضعف محترم
حقيقة مؤلمة اني أشوف تضخم الورم
أستمر في المكان ده يعني أفرط في انسانيتي
هافتقد صحابي أهلي ناسي كل ركن في بيتي
مفيش وطن .. مش عايز غير إني أكون إنسان
يوم ما أحس إني و الجماد سيّان هاسيب المكان
الحقيقة كالكابوس .. السعادة في الفلوس
الشر منبعه البشر منبعه النفوس
سايبهالكو مخضّرة لإني شخص واقعي
فقدت كل عاطفة زالت ما بين أصابعي
حتى الحب طار لانعدام وجود المادة
و الحرية انتهت بفضل الثورة المضادة
الوطن بيجبرك تدريجيا تبقى فاسد
ع الأقل لو شريف هتبقى حاقد تبقى حاسد
الوطن بدل ما يدّي ناسه طلع حرامي
سرق عمري و عمر جيلي و مش هزود بعد رامي
أنا لازم الحق نفسي أشوف وطن بيحترمني
أي مكان ماليش كرامة فيه يبقى مش لازمني
ده مكان خطر على حياتي الخلفة فيه جريمة
مجتمع خطر على دماغي بأفكاره القديمة
الهروب ضرورة للتخلص من كل الشرور
كل معاني الانتماء ربطتوهالي بالباسبور
يا كل دولة حرة أتمنى يكون زعيقي واصل
لاجيء بلا وطن رافض حدود أو فواصل
(رامي دنجوان)
30 سنه بالتمام عيشتهم في البلد دي وكل ما اقول تتعدل بالاقي سنه بتعدي
ذل مهانة سنين عذاب مقفول في وشي 1000 باب من الطفولة للشباب باحلم بالبلد اللي تودي ،
مش لاقي نفسي هنا غصب عني لازم امشي
كل الاحلام اتدفنت وحلمي وقع ما قامشي كل اللي عيشته هنا سنين عذاب ولما همشي
انا هنسى كل حاجه عيشتها هنا قبل ما امشي
فتحت عيوني في بلاد المولود فيها مفقود الدين فيها المصلحه والجنيه إله معبود ،
الكل فيها شقيان لكن إلا المسنود في بلاد العالم التالت فساد ملوش حدود ،
في العالم التالت نبيهم اكل العيش في العالم التالتيؤمنوا بالله ويسجدوا للجيش
في العالم التالت قوة عظمي اسمها حشيش بلاد العالم التالت بتاخد مبتديش ،
انا ماشي قبل ما اموت قبل ما الوقت يفوت ،
ماشي بعيد عن البلد دي و عن الحدود ماشي ومعنديش اي نية اعود ،
ماشي مانا استنيت الحق لكنه مجاشي
ملايين من الدوافع عمّالة تقولي قعادك هنا مش نافع ضيعت سنينك مجهودك ضحيت مش شافع علّيت الصوت فهتفولك طالبت بحق فقتلولك القلب اليافع

اتولدنا في الحلال اتعلمنا ودخلنا جيش قعدنا على القهاوي لا كسبنا ولا كالنا عيش
اشتغلنا كل حاجه والشهادة مانفعتناش تعبنا واتبهدلنا بِعنا نفسنا ببلاش
كل ثانية عيشتها فيكي من حياتي مش محسوبة وسنين آمالي وأحلامي كانت أكذوبة
ضيعت سنين في اوهامك كنت في غيبوبة والنهاية من البداية للأسف كانت مكتوبة

- muhamed osama

letras aleatórias

MAIS ACESSADOS