letra de cellule 213 - fugi
[المقطع الأول]
زايد مينوتي باسبور خضرْ
عايش في حبس ألكاتراز في وسط لبحرْ
عندي جوجمون تاع 29 عامْ
شايف لي بروجي يتوفّاو بين لعوامْ
شايف الشر متحجّب بالخيرْ
شايف بليس يضحك مع الوزيرْ
شايف لي جينيرو يطلعو في بوتيفْ
لي أمروا بقتل بوضيافْ les mêmes têtes
“شفنا كي طلعوا الإرهاب و سمّاوهم “الجِيَا
لا “د.ر.س” كانت تذبح في البوليسيا
شايف لمّيما تبكي داروها بالعاني
اليوم وهران حزينة اليوم قتلونا حسني
les conteneurs و يدخلو في les couvre-feux شايفين
أوردر من المينيستيرْ l’état de siège ديكلاراو
شايف في الفن مقتول و تقطعو القلوبْ
بعد تشي قيفارا قتلونا معطوبْ
[اللازمة]
زايد مينوتي باسبور خضرْ
عايش في حبس ألكاتراز في وسط لبحرْ
عايش في غبينة و الحديث قياسْ
la cellule 00.213
كي الطير بلا جنحين في كاجا مسجونْ
غير الرباني لي يقدر يحسن العونْ
عايش في غبينة و الحديث قياسْ
la cellule 00.213
[المقطع الثاني]
شايف لي بروجي كبار يتخدمو بالمصلحة
ولاد صغار مقتولين في بن طلحة
en puissance شايف لي بري تاع البترول طالعين
ولاد الشهداء تحرق روحها بالليسونس
شايف الشعب داير مظاهرات
مادام راجل ما عندوش قيمة عطاو حقوق المادامات
شايف لي بارتي بوليتيك تتخبّى مور ألباقا
الشبيبة المنسية تموت في الحراقة
عند الكوميسيرْ voyage organisé
فيزا يعلقوهالك في الكازي جوديسييرْ
شايف مصاغر تكومباطي في الكونسيرْ
كيما الشهار لي يكومباطي في لاميزيرْ
شايف ناس لي عزّيت مْتالبهم القدرْ
نورهم ضاوية كي الشمعة في القبرْ
شايف ماليهم عايشين في سطرْ
لي صراله كيفي نتمناله الصبرْ
[اللازمة]
[المقطع الثالث]
شايف الرهج الدنيا مْعَبْيَة ذنوبْ
ناس خابطة زادمة للموتْ
شايف التاج علقوه للطاغوتْ
و الزوالي يدعي باش المحاين تفوتْ
شايف دم الضحايا يستنكر بالوئامْ
شايف النفاق يهدر باسم الإسلامْ
شايف الشعب يطالب بالإعدامْ
و القانون خدّام على وليد فلانْ
شايف السكات مقيّم بين الغاشي
شايف الجهر كريمينال روشيرشي
شايف المال مطوّع الرجالْ
شايف نسا تتزوّج مع المالْ
شايف الخاين يبدّل في الفيستا
شومر يعس في السكنى ما حطّوهش في الليستا
شايف لي كيستيون ما عندهمش ريبونسْ
بلادي كي الكبدة شبعتني سوفرونسْ
[اللازمة]
« quand je marche dans la vallée de l’ombre de la mort je ne crains aucun mal car tu es avec moi »
letras aleatórias
- rachel rachel › letra de there ain't enough love - rachel rachel
- temporary kid › letra de more - temporary kid
- baha m3rk4t › letra de origami - ba$ha & m3rk4t
- habits › letra de amelia - habits
- najszybszy chlopak › letra de gdzie są moje ziomki?? - najszybszy chłopak
- cinexfilo › letra de la pobre gente - cinexfilo
- atticus chimps › letra de day dreams - atticus chimps
- engelbert humperdinck › letra de all this world and the seven seas - engelbert humperdinck
- aoa › letra de muah! - aoa
- surfer blood › letra de in the tempest's eye - surfer blood