letra de rekebna el autobees | ركبنا الأوتوبيس - y-crew family
[المقطع الأول: حموطة وشاهين]
ركبنا الأتوبيس ولما ركبنا جالنا كبت
شوفنا حاجات كتير على أساسها كتبت
فيه واحد بيزعق وبيقول أنا إتنشلت
واللي مزوغ من الكمسري وبيقول أنا دفعت
والمفتش واقف يفتش على التذاكر
وواحد ماسك قلم وعلى الكراسي بيذاكر
نوع جديد من المصارعة، مصارعة المواصلات
لما يجري المواطن ورا أتوبيس النقل العام
تحت باطه بطيخة وماسك في إيده الجرنال
قاعد من الشغل، رايح المدرسة يوصل الأطفال
سباق إجري ياض الجري للمسافات الطويلة
البقاء للأسرع أبو خطوة رجل كبيرة
ورياضة الوثب العالي ليها جمهور في مصر
لما ينط السلم من أتوبيس أو من الميني باص
بنات غاوية لت، شباب غاوية حك
وشاب صغير قاعد وموقف عم الحج
[اللازمة]
وركبنا الأتوبيس
شوفنا حاجات تغيظ
شباب على الكراسي واللي واقفين عواجيز
والكمسري ماسك التذاكر والفضة حاططها في كيس
والسواق مولع سيجارة ومكتوب ممنوع التدخين
[المقطع الثاني]
كان نفسي أركب تاكسي
لقيت نفسي راكب أتوبيس
زحمة أطفال رجالة عمال موظفين وبوليس
ريحة عرق مالية الأتوبيس واللي حاطط أكله في كيس
ستات واقفة مخنوقة من اللزقة ومخنوقة من التهييس
شد حيلك يا حج، ربنا معاك لغاية الباب
مش عارف ياخد نفسه من الزحمة ولا من التراب
لا قاعد نافع ولا واقف نافع ولا متشعلق مرتاح
هنزل أخدها مشي ولو على التذكرة يلا سماح
[اللازمة]
وركبنا الأتوبيس
شوفنا حاجات تغيظ
شباب على الكراسي واللي واقفين عواجيز
والكمسري ماسك التذاكر والفضة حاططها في كيس
والسواق مولع سيجارة ومكتوب ممنوع التدخين
[المقطع الثالث: مومو]
i missed the bus, oh sh-t
now i gotta wait for the next one
come quick, here he comes in and of course it ain’t stoppin’
get ready, let’s go, i gotta run and jump on it
and all i really want is to get there on time
now i’m hangin’ on the outside
one foot on the step and one foot in the air, watch out
missed the gyro but i know we don’t care
can’t wait for my stop, it’s gettin’ sweaty and hot
the jam packed my weight to the middle
now the riddle is, how the h-ll i’m gonna get back out
على جنب يا أسطى
push people and jump out
[المقطع الرابع]
الساعة واحدة الضهر وفي عز الضهر
مستني أركب أتوبيس علشان لسه مخلص شغلي
خدت بعضي دغري على ميدان رمسيس
وبعد ساعة ونص ركبت الأتوبيس
المفروض بيشيل إتنين وخمسين
بس اللي عرفته إنهم ميتين وخمسين
هوبا واحد سورق وأغم عليه
مش عارف ياخد نفسه من اللمة اللي حواليه
الست عماله بتصرخ وبتقول أحيه
مش علشان المغم عليه
حصل إيه؟
وإستمرت المواقف والطرائف لساعتين
ولما عطل الأتوبيس، ماعرفتش أروح فين
[المقطع الخامس: عمر بوفلوط]
في الأتوبيس بنشوف حاجات كتير عجيبة
ودا زحمة في السوق ولا لمة على حريقة
أنا بركب المشروع بس الأتوبيس أرخص
مستعجل لازم أروح فأنا لازم ألخص
لازم أحاول أركب بأي وسيلة
بيقولوا بصراحة الريحة جميلة
طبعاً المضطر لازم يركب الصعب
أول ما ركبت شفت فيلم رعب
الست بترضع والكافولة مبلولة
الريحة طفحت والشبابيك مقفولة
أربعتاشر موبايل مشغلين أغاني
العنب والبلح والدماغ اللي واجعاني
[اللازمة]
وركبنا الأتوبيس
شوفنا حاجات تغيظ
شباب على الكراسي واللي واقفين عواجيز
والكمسري ماسك التذاكر والفضة حاططها في كيس
والسواق مولع سيجارة ومكتوب ممنوع التدخين
ركبنا الأتوبيس
شوفنا حاجات تغيظ
شباب على الكراسي واللي واقفين عواجيز
والكمسري ماسك التذاكر والفضة حاططها في كيس
والسواق مولع سيجارة ومكتوب ممنوع التدخين
letras aleatórias
- chri kr✡k › letra de abstract - chri$ kr✡k$
- lok › letra de bygg din båt - lok
- ton steine scherben › letra de warum geht es mir so dreckig? - ton steine scherben
- uptown › letra de keep flying - uptown
- rephrase vng › letra de repherências - rephrase vng
- gerard baste › letra de glossy pussy [funk mix] - gérard baste
- flxwer › letra de molly - flxwer
- tiers monde › letra de hollywood - tiers monde
- rachel prichett › letra de guillotine - rachel prichett
- marlon craft › letra de back to school (the intro) - marlon craft