letra de wannous - ela leqa | ونوس - الى لقاء - wannous
ـ
الليل بيهل و عقرب ساعتي
بيبدأ لف عكس المسار
يبدأ يرجع سنين كتير
1 اغسطس بالنهار
جاتلي مكالمة من حبيب
اخر مكالمة ، الى لقاء
قتل مشاعري و شافله طريق
قلبي بقى اسود من الغراب
ساعات بتعدي ماكلش ولا اشرب
مجبر اكمل ، اجرب اجرب
انزل فين دي اخر محطة !
حد يساعد ! ، كله بقى اطرش
مش بيشوفوا غير انك فاشل
كل ردودهم ” حاول ، حاول ”
ولا بتطبطب ولا بتساعد
كده مش عاجب ، كده مش عاجب
ـ
1 ديسمبر حصلت كارثة
سامحت حد ، كانت النكسة
سابني بصارع قلبي بتمزق
كانت دماغي محتاجة النجدة
كانت دماغي محتاجة لـ كلمة
لكن خلاص ، معادش ينفع
حتى لو اللي سابنا ده هيرجع
احنا اساسًا ، مش هنسمح
كانت الناهية مفيش غير ده
قولت كفاية عليا كده
في طفل فيا نايم نينه
يا يموت هو يا تموت انت
كل ما انام بصحى بـ شخصية
و الاحساس ده راح تدريجيًا
برا البيت بكون مية مية
لكن بروح اقفل عليا
ـ
ولا بفهمهم ولا فاهمني
ولا مستني حد يفهمني
ولا عايز احكي ولا تسمعني
انا برتاح لما ابقى لوحدي
1 يناير كله اتبدل
بكتب اكتر و مش بسجل
بعمل ياما ، و مش بنزل
مش عايز اسمع ” كمل ، كمل ”
انا مبقتش عارف انا ليه !
هنا او جاي عشان اعمل ايه !
ولا ابن شارع ولا ابن بيه
انا متعلق ما بين اتنين
خسرت نفسي في حرب قديمة
لا كانت بتاعتي ولا ليا فيها
خرجت منها رافض اتكلم
و احكي لحد غير المزيكا
ـ
راسي بتفكر بس في موت
دوشة كتير !! ، مش سامع صوت !
انا مش عايز اطاوع دماغي
هقتل نفسي مرة من الخوف
لا مش لازم نجيب سيرتها
راحت و شافت الاحسن مننا
ولا انا ملاك ، ولا كانت وحشة
انا من كل قلبي بدعيلها
انا من كل قلبي مش فاكر
الا الحلو اللي كان ما بينا
فيلم في سيما ، فشار و تذاكر
يوم الجمعة كان يبقى عيدنا
ايه اللي اتغير !؟ ..
بقيت لوحدي متحير
معرفش ان كنت انا مجبر
على اللي فيه ده ولا مخير
ـ
1 نوڤمبر خسرت نفسي
كان نفسي بس تسمعني
تديني فرصة عشان احكي
ايه اللي حصلي و ايه اللي منعني
لا محصلش دي فرصة و طارت
ابليس وسوس و انا اللي رافض
ما انا مش هفضل عايشها ضارب
لو خسران خسران مش قاطم
هحكي و اقول كل اللي نفسي
ولا هكتم ولا هحرق صدري
ولا همسك في الناس لو تمشي
ولا هرجع ندمان يا حبيبتي
لو بدماغي تغور و بناقص
مشيت عادي ، رجعت عادي
مش مهتم بشيء انا خالص
بعيد اليوم مـ الاول تاني
ـ
letras aleatórias
- pa69 teuterekordz › letra de tankrabatt - pa69 & teuterekordz
- khalid aggag خالد عجاج › letra de wahdany - وحداني - khalid aggag - خالد عجاج
- bain228 › letra de йех3 - bain228
- verisa › letra de i like it - verisa
- timothy nelson the infidels › letra de mary lou - timothy nelson & the infidels
- shaimaa el maghraby شيماء المغربي › letra de el gabarot - الجبروت - shaimaa el maghraby - شيماء المغربي
- combo estudio › letra de poder compartilhado - combo estúdio
- m4rsyy › letra de 4am (cover) - m4rsyy
- n4ntix guardin › letra de distant memories (n4ntix remix) - n4ntix & guardin
- yo gotti big boogie cmg the label › letra de foundation - yo gotti, big boogie & cmg the label