letra de jor3a / جرعة - volcano mc فولكينو
“كلمات فولكينو “جرعة[المقطع]
ملّت القذائف والمدافع من كتر ما سمّعتني صوتا وهلق وقفت لتسمعني
سبعة وعشرين مرّة الله شالني من الموت تركني بالدنيا حتى صوتي يبقى للمسامع لعنة
حقارتي عم توجعني tnt للبارودة رصاصة … للخناجر طعنة للعبوّة
سم عم يفتك بروحي حتى شكلي صار يوحي عالموت قرّب نزوحي شهوة عم تلسعني
حتّى أقتلع آخر ما تبقى من جذور الخوف يللي جوّا قلبي لساتا مزروعة
عيوني مغبّشة وكأني سكران تسارعت كاسات الكحول على جسمو وقرفان يوعى
براسي ضجّة أقوى من ضجيج الحرب بأفكاري فوضى عارمة أكبر من فوضى البلد
كلماتي كترت وكبرت وحقدت صارت تتصارع مع بعضا كتصارع كتائب السفك على الأرض
لك أنا ميّت .. لك إي أنا ميّت لكن جثّتي لساتا حيّة لأنو المقابر عبيت
جسدي عم تدور ع مكان ل ترقد بسلام بس حمامة السلام بنص الحرب انسبيت
طلّع هويتك … وضّح انتمائك .. أوعى تكشّر وتزاور وتبيّن ازدرائك أنت بمعركة إشاعات
حوّلت وطن ل مستنقع فتن صرنا عايشين ضمن مقاطعات
طريق المستقبل مقطوع بحاجز ملتحين ف الأحسن نحلم بالماضي والماضي متى يحين؟
شو بتنفع لوحة إذا الرسامين منافقين … خلّي عندك شك المشهد منافي لليقين
أكذب حتّى تصدق لا تصدّق إني كاذب السمع للحق نافر الشوف للحق جاذب
الصندوق اللي بزاوية الغرفة هوّي خدعة ! البكي والمسكنة مهيّج عواطف وبدعة
فهمان الدنيا بالغلط هيك اتهموني بالضبط لو واحد يعيش عيشتي لحتّى تشوفو انجلط
مخّو بالحيط خبط تمن اتهامو قبض عجبتك ما عجبتك هادي مشكلتك ..بحفض!
لو تحشش وتسكر وتحبحب ما رح تنسى ذكريات زمن وسخ عالبر ما رح ترسى
إجيت ل بق البحصة بقيت جبل إفيريست قالولي لك خفّ علينا ف معد قدرت خرست
خسرت الوسخين بحياتي بقلوب الناس فزت أنا فاقد المشاعر لا تقلّي ليش نرفزت
مافي أكتر من الناس عندي بجدول الشطب إنسانيتي صارت أبرد من جليد القطب
محقون اللئم بالعصب والناس مجرّد حطب بتشعّل نيران حقدي صرتو تسمعوني غصب
مستحيل تنزل دمعة …ألف شخص حاطتني براسو ما قدر يجيب راسي صار يشوّه سمعة
وفّر ع حالك يا مشحوط العقيدة تبقى الكلاب عالهامش والأسود بيوت القصيدة
عم تتمنوني موت أو أفنى أو انقتل لك أنا وعزرائيل صحبة بينضرب فينا المتل
مشكلتي مو مع الله .. مشكلتي مع اللي مفكّر حالو الله … مشكلتي مع اللي افترا بأسم الله
حكا بأسم الله كذب باسم الله قتل ب اسم الله عملو ذريعة ل اسم الله ولك حلّو عن الله
وما الكرة الأرضية إلّا عبارة عن حلبة معركة طاحنة ل كومة ميليشيات احتيال
كل ميليشيا معتبرة حالا هيي الصح والمختارة والأحق بخلع السلطة ونهب كل الأموال
يعني فكر انعمل بالمصاري دين مبرمج بالمصاري هدفو تزيد المصاري ب دينامو اقتتال
أداتو استغلال العقل بتاريخ مغطّس بالوحل ب انتماء عرقي جهل يعني هالواقع دجّال !
خبر الموت أقل من عادي…بيت العزاء مكان اعتيادي … صباح الموت لمين الجنازة؟
مين اجا دورو اليوم بالمجازر أبوك أبن عمك أخوك وللا صاحبك؟
الله يرحمو بلا ما دموع تصاحبك!
ثلاث أيام حزن؟؟ مدّة طويلة…اقتول وانقتل وشعّل الفتيلة
بها الحالة سلسلة الدم لسّا سايرة عم يتكاثر الحقد… عم يتضاعف النقم
عم يتنفّذ المشروع حرفياً والشعب انفرم
انتقم وانتقم وانتقم وانتقم ليجي دورك ومنك ينتقم !
letras aleatórias
- the diplomats › letra de i really mean it - the diplomats
- das racist › letra de amazing - das racist
- kamikazi › letra de no pain - kamikazi
- restless modern › letra de you won't - restless modern
- pfv › letra de if you think this song is about you, it probably is - pfv
- jes › letra de around you (jukibe remix) - jes
- yellow ostrich › letra de how do you do it - yellow ostrich
- hasse froberg and musical companion › letra de song for july - hasse froberg and musical companion
- horace andy › letra de don't try to use me by horace andy - horace andy
- money boy › letra de trap haus im crackrausch - money boy