letra de la tsm3ni - لا تسمعني - shi7a - شيحا
لا تسمعني الكل بيعرف بأي مستوى منكتب..
من أي زاوية بالحياة منسحب محتوى و نكتب..
بكتب حكي يخليك تضرب شاشة اللابتوب..
تنزل غنيتي و ما عاد تعرف تشيلا عن سطح المكتب
بخليك تفيق الصبح تسب ع الدولة تأضرب..
بخليك لما تقارني بأي رابر تستوعب..
قديش بتعب أو ليش برفض اسكت..
و اقعد بآخر مقعد و صوتي معبد فايروسات..
لو يسمعني دكتور بيمرض..
ف ليش ل نلبس كمامات..ان كان فينا نسيطر ولا؟
يوليوس قيصر ولا!
جيسس كرايست بطلع من الأرض و بلبس ميتن ولا..
بيسكرو لو بلمس ميتن ولا..أنا ميتم ولا..
راح ترامب أنا بايدن ولا..
ناس بالشارع بأيدن ولا.. مافي حدا سوبر بويدن ولا..
كل رفقاتي بدخنو لحالن بس أنا ياللي بغيبن ولا..
جي كول كيندريك تايب بيت شكراً..
هالبيتات بشيحن ولا..
ممكن موت و موسيقتي تعيش للأبد..
و ممكن ممكن ممكن أنا عيش و وقتا..
كلشي ممكن ولا
ممكن نلعب فار و قطة ممكن ناكل سمك و جبنة..
ممكن اعمل ألف خطة ممكن خبص ما بعرفني..
ممكن كل مشاعري حطا أو اكذب لنام بحضنك..
ممكن أنا فعلا أبطأ من باقي البشر بصفنة..
ممكن فعلاً مخي بورطة ممكن مرينا بمحنة..
بحط بنص الكلمة شخطة بقسم القوافي ل تني-
نات و ممكن غني مقطع طلع من بفلاتك دخنة..
ممكن كون الأعظم نقطة..بس انت ما بتسمعني
رابرز اليوم بيكتبو شغلة متل.. (راب – كلمة – معنى – أنا)
اقرأها بالمقلوب للجملة..
مستوى عالي من السكيل خلى بحيرة قدراتي ضحلة..
كمية هائلة من الإيغو خلت مونة ثقتي بنفسي قلة..
أنا إحترافي بشكل غير روتيني أرقام الليفل تزيد..
هالقوافي ساكنة فيني أنا بيت القصيد..
بجمع المفردات كأنن طوابع و عملات..
قديمة من بلدات ما عاشت جو الشتات..
انا فلو ماشين إلهية..فايز قزق و خسران وطنية
زيتون و تين و أحاديث نبوية ما كتير بتفيد بحرب اهلية..
صراع الأقلية بحثاً عن هوية أهم بكتير من رسائل شفهية..
تنتقل بين عبيد. ألفية بعد ألفية
ما خلصت السكيم..أوعى تفكر انو هيدي هيه..
قدراتي بعنصرية لأنو السكيم أنثى و أنا رابر بدعم النسوية!
و حرية الرأي و كس اخت التفرقة الجندرية..
بس عندي بالحارة.. ما مننتمي لمشاكل القارة اللي انت فيا
عندي بالحارة.. الأطفال بيلعبو بالزبالة مع انو ابوهن موظف بلدية!
برسم المشاعر بألوان ما بتشوفا.. كلمات كل حروفا..
مصفوفة..ماتريكس..تعاويذ تخلي كل العصافير بلا ريش..
خفافيش.. دهاليز بلا تضاريس بتضيع فيها كم حدا عزيز..
و كتاب قومية
لا يصح نقول تلاميذ دراويش.. نحنا أكبر من هيش..
مافي داعي للحديث لاتشرح تعا كويز و قلن. “لا تصلح”
letras aleatórias
- jazz emu › letra de miami - jazz emu
- nasty babee › letra de запах гидропона - nasty babee
- just wondering › letra de idk, maybe - just wondering
- anna bates › letra de oh well - anna bates
- o t rus › letra de тэк (tec) - o.t (rus)
- travie mccoy elohim › letra de the bridge - travie mccoy & elohim
- ophidian memory › letra de those who bear witness - ophidian memory
- ky richy › letra de slumped - ky richy
- bruce lee band › letra de the right time - bruce lee band
- daniel anderson › letra de the firefly ball - daniel anderson