a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de lo jbobau cu mo - selpahi

[chorus]
.i ca mo fa lo jbobau
(.i ko na denpa .i ko zukte)
.i .au mi djuno .i .au
(.i ma’a ba’o denpa ze’a lo bradukse)
.i lo du’u lo jbobau cu mo kau
zo’u no da su’o de birtymau

[verse 1]
.i lo fuzykamni zo’u: lo feskamni mi se zgana
.i lo jitro be lo te lanme ba’o cliva lo ra cmana
.i lo skari nu cenba fa lo te tirxu cu se srana
la’a, .i za’a ma’a snipa lo pamoi tcana
.i do lo laldo jbogu’e ku judydu’e
.i mibyfu’e co nu donynu’e co mu’e jivru’e
.i mi ki’u renro sai do lo nincu’e
.i co’u sneju’e lo dribu’e lo terzu’e
.i lo dei pevytelbau cu jai melmau fai lo nu jelgau
.i mu’i ri mi .iklki ue .au di fi tu’a lo f-glitki
.i je’u lo ca tcini cu .o’o cu’i jai ni’i
pacna lo jbobau pe lo drata plini
.i mi tikpa do pa’o lo jbokoi
.i bu’u ku la’a do gletu zo voi
.i je coi nai do mi do kecti no roi
.i do za’o cupra lo mrofoi

[chorus]

[verse 2]
.i lo jbobau ku cu mo
.i lo jbobau ku pu’o
misnyrai .au lo ro runbau .i ku’i no cu’o
fa lo nu fasnu va’o lo nu lo
ro jbopre poi prami lo ma’a melbi bangu ku’o
za’o pu’o
kansi’u lo ka gasnu lo se djica .i ui nai sai bu’o
.i lo jbobau ku ko
vajni .i ju’o
c-mki fa lo nu banro
.i lo prula’i nanca be li pano
zo’u .ai na fanmo
lo banli nu banro
.i .ei sai co’u cando
.i .au pa da jbobau gi’e manfo
.i .a’o lo canko na ganlo
.i mi krici lo du’u za’o ka’e di’a kanro
.i ja’o .e’o sidju gi’e zukte fi lo xamgu
be lo balvi jbopre .i ia lo ka prami lo jbobau cu kampu
lo jbopre .i lo nu cikre lo ma’a bangu cu ia sampu
.i ju frili .i ro nabmi da se danfu

[chorus]

[verse 3]
.i ro da jubme na gi’a marji de
.i ku’i ro stizu zo’u mucti ue
.i ja’o .i’a lo loldi cu se zutse
.i lo gismu munje zo’u cizra mutce
.i ca ro lo nu citka lo lojbo gumri
si ke santa mledi cu pilno lo smuci
ki’u lo nu .oi lo forca cu mucti
ja’e lo nu lo nu jgari na c-mki
.i remna da na’i .i civla fi de jo’a
.i ca tu’a zo suksa zo’u lo menli cu spoja
.i nandu fa lo ka tunlo lo gimste te ckunu
se ru’u lo te clika bongu be fi’a la xuncku
.i ro jmive bangu ru’i cenba .i na ka’e fanta
.i sa’u lo nu fanta lo nu cenba cu nu catra
.i .ei skicu fa ma’a lo jbobau pe lo cabna’a
.i ko mi’a djukansa lo bangu co dirba be ma’a

[chorus]

[verse 4]
.i ma la jbogu’e ku jicmu
.i le mriste ku
le se .irci le girzu
pe la fircku
la baupla fuzykamni ku la lojbangirzu .i xu
sarcu fa lo nu ma’a zbasu du’e bitmu
.i mi lo jbopre se zvati cu kancu
li so’i .i xu nitcu lo ka ce’u ganzu
.i ma nilmanfo gi’e banzu
.i clani mutce fa lo nu litru co misygau lo ma’a bangu
.i xagmau, fa xu lo ka jundi nai ro da pe lo trucu’u
.i na go’i .i gasnu .ei lo su’u
ro ma’a kakne lo ka co’urdu’u
.i ma’a pu’i ba’orgau loi cusku vau zu’u
.i ma poi trusi’o cu mapti le kulnu
.i binxo ma ca ma ta’i ma cu’u
ma ja’e ma .i .ei jimpe lo du’u
nitcu co cikre so’i da pe lo jbogu’e

- selpahi

letras aleatórias

MAIS ACESSADOS