letra de el amiis el karoo - ramy essam
جوابك في كم القميص الكاروه
يرفرف اليكي ويرمي والسلام
اخاف على القميص اذا فتشوه
يخاف القميص وينسى الكلام
واخاف من قميص مجرد ما يطلع
وينفد بجلده فيحلف ما يرجع
ويصبح مجرد قميص والسلام
ويمشي مطاطي في وسط العوام
فينسى البطاقة ويدخل كمين
فيغسل كرامته سيادة الامين
ويعمل في حقه حاجات مش تمام
فيصرخ ويصرخ هيصرخ لمين
فتشبع لياقته كفوف مخبرين
ويمكن كمان يفكوا الحزام
ويرجع قميصي المبجل سجين
ومتهوم بانه عدو النظام
فهكتب جوابك يا يوصل لبابك
يا اما عليه العوض في القميص وحق القميص
فهكتب جوابك يا يوصل لبابك
يا اما عليه العوض في القميص وحق القميص
حبيبتي يا شابة يا وردة ومحبة
بيكتب اليكي نزيل الليمان
بحيث العساكر وراهم عساكر
وخلف العساكر عساكر كمان
بسلم عليكي وبحضن عنيكي
يا فايتة الاغاني في نقش الحيطان
يا قافلة المواني وقافلة البيبان
فحابسة اللي منك وسادة الودان
يا كاتمة الحقيقة وناكرة الادان
تدوس الاماني وتحرق غيطان
وكل اللي باقي انين السواقى
وتعلب حرامي ومالهوش سنان
فكل اللي لازم شوية ايمان
ليرجع نهارك يعيدلك خضارك
ويحرق بنارك عشوش الجبان
سلامتك يا لوزة
سلامتك يا لوزة
يا اخر عجوزة
واول صبية فى عين الزمان
ختاما بحبك
سجينا بحبك
وحرا بحبك ومهما تعاندي هحبك كمان
رسالة حبيبك سجين الليمان
بحيث العساكر وراهم عساكر
وغير العساكر عساكر حيطان
ختاما بحبك سجينا بحبك
وحرا بحبك احبك كمان ياي
ياه
ياه
ياه
ياه
يا
letras aleatórias
- lex japan › letra de sexy! - lex (japan)
- pnb rock › letra de 5am - pnb rock
- filipe karlsson › letra de bem capaz - filipe karlsson
- eskelater › letra de everynow and then - eskelater
- night demon › letra de ancient evil - night demon
- herve postaal › letra de addenda - hervé (postaal)
- jaymay rapper › letra de can you praise him? - jaymay (rapper)
- rachel zegler › letra de an old sad song - rachel zegler
- asher kuno › letra de quelli di punta - asher kuno
- teejayx6 › letra de gofundme - teejayx6