letra de solide - psyco m
[المقطع الأول]
نغمض عيني نتفكر أول نهار
طفل صغير يحلم يخزر لبعيد
مش في بالو لي طريقو نار
في بالو قلمو باش يبنيلو طريق جديد
يحلم يبني عالم معبي بالألوان
بقدرو يعيش ؟؟ عالم يعطي فيه الآمان
عالم ياخذ فيه حقو ما ياخذوش سي فلان
يخلي ورا الوحوش عالم يعيش فيه إنسان
كنت نشوف العباد تعيش ببرشة وجوه
نخاف نروح نجري نخزر روحي فالمراية
خلاهم راكعين للصنم لي صنعوه
نهز يدي و ندعي ربي يبقا ديما معايا
نهارات لي طيح و تحاول تحب تقوم
لا يد لي تمد اما الكل تعطيك وعود
ساعتها تفهم لي فالدنيا شيء ما يدوم
كي تلقى روحك وحدك و حد ماو موجود
[اللازمة]
ماعادش نتحمل نعيش معاهم
نحب نطير نمشي لبعيد
نتمنى عيني معادش تراهم
نبدا مالأول نولي عبد جديد
يشوفوني كيما النجمة في سماهم
بلاصة وين ما توصلها الأيد
نطير لفوق نمشي و نخليهم
لي عشتو الكل يخليك صوليد
[المقطع الثاني]
اخترت طريق ما فيهوش رجوع
قلم حر في بلاد الماطراك
كإنو سلاح يكتب في كلام ممنوع
حتى الميديا تهيج وقت لي تراك
تتلفت تلقى أمك في خدودها دموع
الناس تقلك حارب و أحنا وراك
وقت لي ظلام طريق و طفات الشموع
تتلفت و ما تلقى حد وراك
تكمل في طريقك وحدك تكتب و موجوع
مقيد حي و أنت ميت فوق التراب
قلبك ولا جبان اما بين الضلوع
مدفونة فيها برشة ناس كانو قراب
اليوم تكسر في حياتي كل شيء بنيت
الدنيا خذات مني كل شيء تمنيت
خسرت كل شيء و ضاع مني لي بيه حلمت
خذات مني حتى المرأة لي حبيت
[اللازمة]
ماعادش نتحمل نعيش معاهم
نحب نطير نمشي لبعيد
نتمنى عيني معادش تراهم
نبدا مالأول نولي عبد جديد
يشوفوني كيما النجمة في سماهم
بلاصة وين ما توصلها الأيد
نطير لفوق نمشي و نخليهم
لي عشتو الكل يخليك صوليد
letras aleatórias
- simon panrucker › letra de cookery school - simon panrucker
- master monk zero › letra de for love - master monk zero
- charlie puth › letra de i don't wanna hurt you baby (acoustic) - charlie puth
- jon yakitory › letra de oni (feat. シユイ) - jon-yakitory
- maricris garcia › letra de sagot sa dalangin (theme from "abot kamay na pangarap") - maricris garcia
- ганвест gunwest › letra de хороший любовник (good lover) - ганвест (gunwest)
- awesomoff › letra de я подстраиваюсь под людей (i adapt to people) - awesomoff.
- sorry › letra de baltimore - sorry
- lady chokey › letra de afrontosa - lady chokey
- kingslay › letra de forever - kingslay