letra de zawali you - phobia isaac
كتبنا الفُــون لي عشنا و حاسّين ، فقتو نن مزالكم ساهيين
كلشي فاني و المالور عارفين ، نام يا وليدي لعرب باردين
مخدوعة أخلفها فــ الرية ، القارو اليوم نعطيلو قتلة
هاذي البلاد ما ليك ما ليا ، ولاد لي باص باعوها جملة
الحق يقال و حالف بــ يمين ، يا شيخ علي الدولة حقارة
هي لي تبيع تدخلها بــ سيمي ، زوالي بــ نبشة وقف فــ البارة
عطى ربي خو نحاو حقنا ، خسرو علينا شق القودرون
ماكاش انتاج الدولة عاقرة ، مي سي المالور تحمل عــ البيترول
مخدوعة بــ كساتم نوار ، شكيب خليل خليفة قادرين
زعما صح داو لي ميليار ، المشكل سرقو سراقين
الراب خيّرني ماشي أنا ، جيب كلام يوجع و يخلوي
لافريك مقوّدة وين رانا ، تموت بــ لعقل وحدك تهوي
****************************************
قارو بوب ديكي تلقانا ، دمعة تطيح فــ لحمي نكوي
يسوقو فيك كيما البيرانا ، بيك والله ماراهو متحروي
زوالي يو …. زوالي يو …. زوالي يو
ينعل بوها لافوت ماشي فيا ، كي لبلاد حاكمها بيدي
الله يحسن عون الزواليا ، سي لوجيك يعمّر يفيدي
يرضاو برك عليا والديا ، نسايي زهري خو سيبون ديسيديت
حبس كبير راجي حريّة ، نشوف بوطي جيبياس قيدي
زوالي يو … زوالي يو …. زوالي يو
****************************************
الله يرحم ربي يا مايدي ، ديديكاص ليزوم شيخ علي
فوك لابور عقلية لاكوردي ، إيمازيغن قبائلي أصلي
شحال نعيا نحكي على الدولة كي قلت الحق سيك لساني بلية
علابالكم ما نامنش بــ الغولة ، علاش عليا نبكّي والديا
فوبيا فــ الراب راهو مرسول آآه ، صوت الشعب و الزواليا
لي صابرين و شادين في المولى ، لا خاذيين كية مور كيّة
فوك الدولة راني مود كيفاح ، وين خرجت وين ماعرفوش كيفاه
ماخذ الراس لي يشرب يقرقع ، الصون في وذن كيشغل زارها مدفع
سيلونة تسالي على العيباد ، حكومة تبكي لـَــمِّــيمات
شُـــهَــدا رحّم على لي مات ، لي قبضو لبلاد خُـــرِّبَـــت
جونيمار كرهنا هُــنا ، قلنا الحق حبُّــو يخبُّـــونا
في لحباس باطل ظلمونا ، زدنا هنا ماذنبنا
ماشي غير الدولة مام الشعب طمّاع طلّاب طحان بلا مانقولو عطّ
عجبوه لي بيت عليها مبرّح مع ختوالرخس يشطح واي واي
مانيش منا و ماني منكم ، عندي نيف غالي و برانسيب
نتوما حابين الدولة تذلّكم ، كاباريات سماتي و ليكيب
هاذا الكاشي دوايا بَــرّاني ، و في بلادي راني بَــرّاني
واش يلحّقني أنا واش داني ، كي طير الليل حبني وحداني
باش تنسى هاذ البووار ، لاحهالك غير بلاقي
سقسيني خو على التاويل ، إذا راك حاب تقيسني
نجاوبك لازم البديل ، هربة من بلاد وولت ديزني
letras aleatórias
- lala lala › letra de dove - lala lala
- kevin gates › letra de adding up - kevin gates
- fruto sagrado › letra de a sanguessuga - fruto sagrado
- ray lamontagne › letra de goodbye blue sky - ray lamontagne
- yung lunes feat. mattey › letra de i miss u - yung lunes feat. mattey
- seasick steve › letra de st. louis slim - seasick steve
- neovaii › letra de chase pop - neovaii
- alina baraz › letra de feels right - alina baraz
- seasick steve › letra de coast is clear - seasick steve
- flenn › letra de freestyle (l'houma) - flenn