letra de be.m pac d'ivern e d'estiu - peire vidal
be.m pac d’ivern e d’estiu
e de fregz e de calors
et am neus aitan cum flors
e pro mort mais qu’avol viu
qu’enaissi.m ten esforsiu
e gai jovens et valors
e quar am domna novella
sobravinen e plus bella
paro.m rozas entre gel
e clar temps ab trebol cel
ma don’a pretz soloriu
denant mil combatedors
e contra.ls fals fenhedors
ten establit montesquiu:
per qu’el seu ric senhoriu
lauzengiers non pot far cors
que sens e pretz la capdеlla!
e quan respon ni apella
siei dig an sabor dе mel
don sembla sant gabriel
e fai.s temer plus de griu
als vilas domneiadors
et als fis conoissedors
a solatz tan agradiu
qu’al partir quecs jur’e pliu
que domn’es de las mellors:
per que.m train’e.m sembella
e.m tra.l cor de sotz l’aissella
don m’a leyal e fizel
e just pus que dieus abel
d’onrat pretz nominatiu
creis tan la soa valors
que non pot sufrir lauzors
la gran forsa del ver briu
sei enemic son caitiu
e siei amic ric e sors
front, huelh, nas boch’e maissella
blanc pieitz ab dura mamella
del talh dels filhs d’israhel
et es columba ses fel
per zo.m ten morn e pessiu
aitant quant estauc alhors!
pueis creis m’en gaugz e doussors
quan del sieu bel cors m’aiziu
qu’aissi cum de recaliu
ar m’en ven cautz, ar fredors!
e quar es gai’et isnella
e de totz mals aips piucella
am la mais per san raphel
que jacobs no fetz rachel
en fransa et in beriu
et a peitieus et a tors
quer nostre senher secors
pel turcs que.l tenon faidiu
que tolt l’an e.l vas e.l riu
on mondava.ls pechadors!
e qui ara no.s revella
contr’aquesta gen fradella
ben mal sembla daniel
que.l dragon destruis e bel
vers, vai t’en vas montoliu
e di.m a las tres serors
que tan mi platz lor amors
qu’ins en mon cor las escriu!
vas totas tres m’umiliu
e.n fas domnas e senhors
e plagra.m mais de castella
una pauca jovensella
que d’aur cargat un camel
ab l’emperi manuel
francs reis, proensa.us apella
qu’en sancho la.us desclavella
e gasta.us la cer’e.l mel
e sai tramet vos lo fel
per l’apostol qu’om apella
sant jacme de compostella
en luzi’a tal miquel
que.m val mais que cel del cel
letras aleatórias
- los planetas › letra de el manantial - los planetas
- fini arg › letra de looking at the sun - fini (arg)
- idris makazu › letra de envie - idris makazu
- waldgeist kartell › letra de kreislauf der verwertung - waldgeist-kartell
- phantom head › letra de parasite - phantom head
- flort › letra de aşk dediğin buysa - flört
- llama wav › letra de tourniquet - llama.wav
- sido topic42 › letra de mit dir (topic42 remix) - sido & topic42
- stone catcherye › letra de borrow or rob - stone catcherye
- los valedores de la sierra › letra de no tengo lucha - los valedores de la sierra