a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de volta pa káza - nubru

[verso i: nubru]
nton papá tudu trankuilu
ali ki sa fála ê paulu bu fidju
mi n ta spéra ma bu vida ê un páraizu
dipos ku dexá-nu la fulhádu móda bitxu
diskulpa n sa inkomodá-u, ma n kre ntende
modi ki bu pai ta abandoná-u y sinplismenti
ê ka ta kontakitá-u  so ê ta sigi en frenti
konsénsia ka ta pésa-u pamódi bu ka sa prizenti
mamá ta luta pa ka fálta náda na méza
mamá djuguta ku banhera na kabésa
mesmu ku labuta alves n durmi ku frakéza
el mesmu sen kulpa ê ta txora di tristéza
baxu lensól ê ta brasa-m rixu ê ta txora
ta salusa ben baxinhu ê ta inplora
“déus proteje nha fidju” ê ta inplora
“favor tral d’es kastigu” ê ta ora

[refrao: dzenh]
bu prizénsa ta konforta-m
bu abrásu ta konsola-m
n sta xinti bu fálta (nsta xinti bu fálta)
ê kel karinhu kel mimu ki bo bu da-m
ta po-m vivu, ta konpleta-m
nkre po volta pa káza (volta pa káza)
[verso 2: nubru]
mi n ka kre bu ozénsia n kre po ben
mi djan ten konsénsia entri mal ku ben
n kre ten rifirénsia kre ser un bon algen
partilha spirénsia y dexá-u ben konxe-m
mi n ka kria stába li, tristi ku ráiba ta pontá-u dédu
más ê ki dentu mi sa xinti mágua, sa xinti duedu
n kria bo li tudu bes kin korda sédu
n ta kria bo pértu mi tudu bes kin xinti médu
ben ser erói, ben ser kel protetor
ben ser sól, ben trazi xplendor
skodjé-m ami, skodje ben da-m amor
dja bu perdi txeu ti li nton volta pur favor
n kre abrásu, kolu, nha vida ku grása
abrásu, konsolu, dexa pasádu pása
n kre plánu, sónhu, tudu ta gánha áza
n sa pidi-u favor volta pa káza

[refrao: dzenh]
bu prizénsa ta konforta-m
bu abrásu ta konsola-m
n sta xinti bu fálta (nsta xinti bu fálta)
ê kel karinhu kel mimu ki bo bu da-m
ta po-m vivu, ta konpleta-m
nkre po volta pa káza (volta pa káza)
[outro: dzenh]
oh oh oh oh
volta pa djuntu ku mi (voltaa)
n kre pa bu sta li (sta li)
mesmu ku ka fika ku nha mai (nha mai)
n kre pa bu ben ser nha pai
pa-m vivé filis
ahm ahm ahmmm
fálta bu afétu ta aféta-m
pur isu mi n ta inplora
po volta, po fika
pa nos vida konpléta
ahm ahm ahmmm

- nubru

letras aleatórias

MAIS ACESSADOS