letra de ya man (يا مان) - nizar zgheib aka abs
أوّل ما ذاقا ما حَبّا … أرَطْ بَفْتَيْن وكَبّا
ما رَحْ لِتّ عَ السِّتْ بْهَلْ بِتْ… ما بَدْنا نِتْعبّى
يِلْعَنْ إِخْتا… كِلْ ما ذوقْ … بْفوقْ لفِخْتا وبِتْسوءْ
الحالة، مْفَكَّرْ حالي دايِرها وهِيِّ ل عَمْ بِتْسوقْ (فِيّي)
هِيِّ طَيْبَه بَسْ مِتْل المَرأة المجَوْزِه
ديفا مِن بَيْت ساتيفا بْتِخْرِبْلي بَيْتي مِن بَوْسة
بْتِتْمَلَّكْ فِيّي… إيه
وبْبَطِّلْ جَدّيِ… ليه؟
بْتَعْطيني حِنِّيّةَ بِفْشَلْ إِنّو حالي هَدّي
أَوَّلْ ساعاتي بْتِكْبِسْني أَعْمِلْ واحَدْ، تْنَيْن، تْلاتي
بْدِقّ ل أَكساتي: “حَياتي قَريبة؟ طُلّي غاراج (ستديو)”
وأنا عارِفْ مِن كِلْمة لكِلْمة بْسَقّتْها مِثْل الدِلْمة
“حِلْمي نِرْجَعْ بايبي بَسْ في عِلْمِي وشُغْلِي والإخْراجْ”
فْلومة!
بْرِدّا بْكَمِّلْ طَريقي، بْيِكْبِسْنِي هَبيلي
بِضَوّيلي وبِطَفّيلي، تْطَلَّعِتْ شو هي؟ نيسان!
مْفَيّمة… “كمان”
وعِنْدي مْغَيّمة… “يا عَين!”
صَفَّيْت بْناوِلْني (دكان) رْفيقي، طَلّ قَلّي: “شو في نزار؟!”
قِلْتِلُّه
أرَطْني كَفّْ جويْنت… الويد… يا مان!
مَعْ إنّي مِشْ آخِدْ… غيرْ… بَفْتينْ
بَفْتينْ ؟
أرَطْني كَفّ جويْنتْ … الويد… يا مان!
مَعْ إنّي مِشْ آخِدْ، تافِفْ، لافِفْ، سافِفْ… بَفْتينْ!
زْمَطْنا وطُلِعْ صاحِبْنا… وكان عم يِتْهَضْمَنْ تَ يْمَرْحِبْ
بادتْربْنا وطارِتْ عَ الفَزْعَة… دَوّرْتْ بْأرْضي تَ سَلْحِبْ
وِلَّعِتْ سيجارَة .. تَ بَيِّنْ عادي وحَيَلّا
ويِلْعَنْ حَظّي عَالإشارَة رِجْعِت شْتَغْلِتْ يا اللّٰه!
كَبْسِتْني أفْكارْ غُموضْ.. “كيف مْنِحْصَلْ عَ الخُلودْ؟”
تَلْفَنْت لْ أصْحابي:
-إيه بْرو؟
-أَوْلَكْ ليشْ في وُجودْ؟
ما فِهْموني كِلُّه سَكَّرْ… أصْلاً عن شو كِنْتْ عَمْ بِحْكي؟
بَلْشِتْ تِكْبِسْني عَ سِكّرْ ومْكَرْبَجْ عَ وِجّي الضِّحْكِة
عَ الحِلو الرَّيْلِة بِتْشُطّْ… صَفَّيْتْ وشَكْلي ما بْيِقْطَعْ
“بِدّي عَذْبِكْ زْنودْ السِّتْ” الباقي كِلْتُه بْأوَّلْ مَقْطَعْ
وتِلِفوني عَمْ بِ دِقّ… حاسُّه بْإيدي عَمْ بِذوبْ
“-اشْتَقِتْ إسْمَعْ صَوْتَكْ
-بايْبي افْتَحي يوتْيوبْ”
يا بْصَرِّخْ يا بِهْمُسْ هَمِسْ… والدِّني ضَوّْ وصَيْفِيِّة
ما مَعي عْوَيْناتْ شَمِسْ… فَتْحَوّلِتْ لَلْشّمْسِيِّة
عَمْ حِبّْ كِلّْ العالَمْ ! رِدّولي نَفْسي الْدْنِيِّة!
بَسْ بِرْجَعْ بِتْذَكَّرْ كِلْ ما إسْألْ حالي شو صارْ فِيّي
شو صارْ فيّي ؟
letras aleatórias
- cocaine mali › letra de pump drunk - cocaine mali
- ledisi › letra de wild is the wind (live) - ledisi
- tveth lil smooky › letra de senorita - tveth & lil smooky
- boyhood 남동현 kor › letra de 대저택 (luxury big house) - boyhood (남동현) (kor)
- l mir › letra de tək sənə görə - l-mir
- venice us › letra de everybody's changing - venice (us)
- kade mccuen › letra de beggin' - kade mccuen
- hemka › letra de ma lionne - hemka
- palesky › letra de i thought stars were yellow - palesky
- loganplayz › letra de for nothing - loganplayz