letra de mor ssour | مور السور - muslim مـسـلـم
مور السور ، يا يا
[المقطع الاول]
المغرب غابة دايرة بسور
و مور السور كاينة بحور تطفى فيها النور
تحفروا فيها قبور
و قبل السور كاينة قصور
فيها زهور ، فيها عطور ، فيها الحور تكب فكيسان لخمور
و مور السور كاين مقهور
واقف متلوف يشوف ، يكمل ولا يرجع اللور
الزمان دار و ما بغى يدور
و بقى المسكين فالظلام يدور على قبرو المحفور
تأمل معايا فالديكور
علاش ناس واكلة اللب و ناس تهبش فالقشور
الحلم حي و مطمور
و بقى كابوس الواقع و الدرويش معذب مزبور
من القفا منحور
فالسكات غريب يبكي و يتألم و ساكن غير فالجحور
الحلم ديالو طار حر
هو بقى جناحو مكسور يتأمل فحلمو واش يفوت السور
[اللازمة] (x2)
المغرب غابة دايرة بالسور
مور السور
فيها جحور فيها قصور
مور السور
فبلادي الفقر مشهور
مور السور
المدبر دابر المدبور
مور السور
[المقطع الثاني]
فبلادي الفقر مشهور
فكل مكان تسمع بيه و تشوف كيف يرعى فينا مسعور
الكل مفقور
شي كلا كل شي و شي باغي ياكل شي و شي تنكل مغدور
حياة حقار و محقور
عايشينها حنا مع بعضنا ولاد الشعب المنجور
جار و مجرور
الكل فقاع المستنقع يزطم على خاه باش يورت النغور
و الدم مهدور
غير الخبث غير الكره غير البغض غير الشر منشور
و القلب معسور
فيه جراح ما بغات تبرى يمكن الزمان دكتور
والحق منتور
من يدك بالقوة و العنف حيت الظلم دكتاتور
و إذا باغي تثور
عمل في بالك بلي محال تقد على الي مور السور
[اللازمة] (x2)
[المقطع الثالث]
المدبر دابر المدبور
فحال المفعول فيه مفعول به و الفاعل ديما ما مجبور
و شكون لي ما مجبور
من القاضي حتى السارق ، كاينة الرشوة دستور
و اللعب مستور
كلشي كيتباع ، إذا عندك لفلوس كلشي فالحجور
و البوفري مقعور
باغي يطير بين النسور
مسكين هو غير عصفور
و المغرب معذور
كبروا فيه لكروش و بقى مفروش عوالين يردوه بور
قلاع من جذور
لي باغين يردواهاذ لبلاد اللور
و ازرع و ميز بين هذ لبذور
ما دام كاين ديور
يعني الأرض باقة صالحة ، باقي خيرها ميسور
و راكم بين هاذ السطور
و أنا فالهامش… و بين الهامش و سطوري ما كاينشي السور
[اللازمة] (x2)
[الخرجة]
أنا عارف بلي كاين مغاربة بزاف ما شايفينش السور
هذا علاش ما يفهموش بزاف فالهدور
المهم هوما فالهامش و أنا معاهم
مور السور ، قبل السور ، كاملين مغاربة
و المغرب حتى هو مور السور
!! هاها
letras aleatórias
- crown and the m o b › letra de roam - crown and the m.o.b.
- moon taxi › letra de run right back - live - moon taxi
- animal super species › letra de deimos - animal super species
- gmpresents › letra de the fox (karaoke) - gmpresents
- tito prince › letra de bad initiation - tito prince
- mc paul barman › letra de drug casual-t - mc paul barman
- ignorance › letra de why - ignorance
- mainstreet › letra de dreamers - remastered album version - mainstreet
- shonuffnyc › letra de now thats real - shonuffnyc
- nego do borel › letra de você partiu meu coração (duh remix) - nego do borel