letra de richet ghourab | ريشة غُراب - m&a | zeusaeed
خطوات عم امشيها إصعد درج المعارف
معاني عم ابنيها تخلق نتيجة مخاوف
إمحي كل شك براسي بإيدي الفن بيقلب نار
حتَّى فنِّي يقلب جمر و مِنُّه يتطاير شرار
إختلافي واضح صاعد قدِّم فوق غيومك عرض
فرِّق بين الفنّ الهابط و الفنّ الهابط ع الأرض
عيد و مثِّل هالجريمة؛ مثِّل حالي كنت عم موت
و عيدوا التِّمثيلية عليِّي و ابكوا فوقي عالتَّابوت!
فارد ريشة طير محرَّر جايي ناوي ع الخراب
شوفني عم اخلق من قبري هيدا واقع مش سراب!
عايش أحلامي لكن عمرها ما بتكمل الغفوة
فاجأني ماضي كياني بطعنة يوعيني عغفلة
كنت ماشي عيوني مسكر، افتحتن كاشف الضباب
شايف عتمة قلبي أسود منه اخلقت هالغراب
كاسر جارح متمرد اذوني و راح رد الضُّرّ
بالفنّ التَّعبيري جرِّد بكرة أشعار و عم كرّ
.
إخلق من خوفي اليقين و رسِّخ معارف بحرفي
إخلق من ضعفي سفينة قوّة تبعدني عن شطِّي
إخلق من رشدي الجنون؛ إخلق من صوتي السَّكينة
إخلق من روحي سجون و احبس أنفاسي الحزينة!
فرجي قوّة إمحي آهي غيِّر تعريف الإيمان
مِش لتتجنِّب النار لازم اتعيشها كإنسان
لازم يوجد إنصهار يوحد ذاتك مع الكون
حتّى يتواجد النهار اللَّيل بيبقى بلا لون
ريشة غراب بحبرها بتتبيَّض هالصَّفحة
و بحبرها بكتب جواب كل حرف بقيمة صفعة
كفّ الحياة علَّم ع خدِّي و اتندَّم
لما اتحدِّتني الحياة بكَّيتها كل دمعة مقدَّم
و اسردت قصص، تجارب، حياتي أسرارها سودا
ياما بعتم اللّيالي راكع بس ربِّي إترجَّا
يمحي كل دمعة آه ببسمة ع خدِّي تتبدَّل
لما شياطينك بتراهن ضدَّك صدِّق ما انَّك قدّها
ما استسلمت لمّا فشلت لمّا الأمل عنِّي بعد
و اخلقت من بردي الدَّفى و سلاحي ع كتفي شلت
وهالسلاح الرادع هوّ ذاته يللي عم يحكيك
تعصف ريح الثَّأر تهيِّج موج البحر الكامن فيك
حوت و قلبي يونس عتمة عم تخلق من جوف الذِّل
موتي تحضُّر يوسف عرشي راح يركعله الكل
صفحاتي مراية حقيقة و ذاتي صورة بسبع الوان
و صوتي واصل مهما الصورة بتتفسر ع كل لسان
إخلق من خوفي اليقين و رسِّخ معارف بحرفي
إخلق من ضعفي سفينة قوّة تبعدني عن شطِّي
إخلق من رشدي الجنون؛ إخلق من صوتي السَّكينة
إخلق من روحي سجون و احبس أنفاسي الحزينة!
فرجي قوّة إمحي آهي غيِّر تعريف الإيمان
مِش لتتجنِّب النار لازم اتعيشها كإنسان
لازم يوجد إنصهار يوحد ذاتك مع الكون
حتّى يتواجد النهار اللَّيل بيبقى بلا لون
letras aleatórias
- wytch hazel › letra de dry bones - wytch hazel
- thorium › letra de mr. president - thorium
- king 810 › letra de suicide machines - king 810
- bezerra da silva › letra de carne de pescoço - bezerra da silva
- el rass › letra de halleluia - el rass
- dr fuchs › letra de girdap - dr.fuchs
- ruspo › letra de piratas - ruspo
- brightmurr_fox › letra de how unfortunate - brightmurr_fox
- god body bingo › letra de questions - god body bingo
- van james › letra de 44 reyburn drive - van james