letra de reality poem - linton kwesi johnson
dis is di age af reality
but some a wi a deal wid mitalagy
dis is di age af science an’ teknalagy
but some a wi check fi antiquity
w’en wi can’t face reality
wi leggo wi clarity
some latch aan to vanity
some hol’ insanity
some get vision
start preach relijan
but dem can’t mek decishan
w’en it come to we fite
dem can’t mek decishan
w’en it comes to wi rites
man,
dis is di age af reality
but some a wi deal wid mitalagy
dis is di age af science an’ teknalagy
but some a wi check fi antiquity
dem one deh gaan outta line
dem naw live in fi wi time
far dem she dem get sign
an’ dem bline dem eye
to di lite a di worl’
an’ gaan search widin
di dark a dem doom
an’ a shout ’bout sin
instead a fite fi win
man,
dis is di age af reality
but some a wi deal wid mitalagy
dis is di age af science an’ teknalagy
but some a wi check fi antiquity
dis is di age af decishan
soh mek wi leggo relijan
dis is di age af decishan
soh mek we leggo divishan
dis is di age af reality
soh mek we leggo mitalagy
dis is di age of science an’ teknalagy
soh mek wi hol’ di clarity
mek wi hol’ di clarity
mek wi hol’ di clarity
letras aleatórias
- rct blaze › letra de made it - rct blaze
- the callous daoboys › letra de designer shroud of turin - the callous daoboys
- zach hood › letra de not them - zach hood
- aaron blommaert › letra de deurbel - aaron blommaert
- terto djen › letra de i love you forevermore - terto djen
- sole 90s rapper › letra de under the veil - solé ('90s rapper)
- big xshon yung dul eng › letra de mario bros - big xshon, yung dul (eng)
- etiandro aaliyah › letra de vênias - etiandro aaliyah
- mitral y › letra de paramparça - mitral y
- daria zawialow › letra de dziwna - daria zawiałow