letra de el moled | المولد - king karika
[المقطع الاول]
الشدة عفية هتقطم وسطك
وساعتها هتعرف مين مستني وقوعك مين مخلص لك
تعالى ألخصلك قصة
تعالى هثبتلك إن النية الوسخة فـ زمن الكدب بتسلك
ومحدش يسلم علشان باع
حب حبيبتو اداها تقدير و اديتلو وداع
حب زميلو وزميلو بياع
عمل اللقطة ولم الشنطة وسابلو الحرز مكمكم
خلع وخد مصلحتو معاه
ادالو كشاف على عينه بكاه
كان واد طيب معروف بـرجولتوا وكان محبوب في الحتة وعترة وعجبي
جمعتوا الدنيا بواحد مشموم ومعبي سموم ومخبي
ميت عـ القرش وسكتوا سودا كمان كلامنجي
سو سوابق عقلوا لومنجي مسجل بس كفرتي
شغل جمجمته حبكلو الدور
فرشلو فرشة صحبي الجدع معاك عـ الموت
ولعلو چوان و ابتدأ الكلام كالآتي بيدور
هنعمل هجمة فـ نص الليل وهنطلع بـ المقسوم
وأخينا علشان مظبوط رفض المصلحة
بس التاني سوحوا فدماغه فتاحة
قالوا عشان تكبر و السوق كلوا يقدرك
عايز فلوس تسندلك ضهرك وتيجي مالي مطرحك
ساعة زمن واهي لقطة نضيفة لا فيها كلبشات ولا شوشرة
صدقني يا صاحبي أنا عمري ما جبت منك لورا
كداب و ملاوع وعيونوا كانت غدارة
هفاف مش باقي غير على نفسه وساعة الكبسة
محدش شافوا خد الفلوس و اختفى سابها مخضرة
[اللازمة]
مولد وصاحبه غايب بس الحارس الله
توهنا في الضلمة وعيشنا مع الكلاب الضالة
لفينا فـ دواير لمينا فـ بواكي وضيعنا
عدينا من الواعر عمنا دراعنا يابا
×2
[المقطع الثاني]
توهت فـ ضبابة طلعت فـ عصابة
شوفت الموت كام مرة و مرجعتش بإصابة
اتحطيت فـ السكة الصعبة اتلطيت فـ وشوش نصابة
تلعب بيك لو تسضعفك تركع ليك لو لابس وش البابا
دخلت اللومان مفيش ضعف يا تكون حوت يا تكون طُعم
يا تموت واقف مظبوط ثابت يا تعيش خايف مذلول خايب
الدعوة عامة ف الأذية هنا الغايب مالوش نايب
لا تعيب عايب ولا ترقع دايب
هوب صاحبنا و بعد سنين يطلع من سجنو ومنسيش
انه فـ يوم رمى نفسه فـ حضن اللى سبب حبسه وخلاه يضيع
طبعا خد طبع الألاضيش اول حاجة حضر حرافيش
ملامح الطيبة اختفت فـ وشه ظهر مكانها خبطات خرابيش
وعلى سكته متجيش صاحب إبليس وعمل الديل
معبي كتير وحقو بعيد و قلبو يشيل كره الدنيا
من المرشد اللي عملو زميل
من جوا مات و مابيجليش
شره اشتر وعينه بتلمع مبتطفيش
و مرقد.. اخد قراره خلاص واعتمد
واتجه فـ طريقه يوماتي يدور عـ اللي اتفقد
حتى حبيبته بعد القضية راحت مع صاحبه لأبعد بلد
مش هيحله غير أما يخرج غله ويطفي نار قلبه اللي اتوقد
والليل حالك مليان بـ المهالك
سمسار الغدر ستار عـ المصايب والمشاكل
اما وصلو بص فعينو قالو يا صاحبي ياترى فاكر
ركبله السن فقلبه ودمه سال على الاساتك
[اللازمة]
مولد وصاحبه غايب بس الحارس الله
توهنا في الضلمة وعيشنا مع الكلاب الضالة
لفينا فـ دواير لمينا فـ بواكي وضيعنا
عدينا من الواعر عمنا دراعنا يابا
×2
letras aleatórias
- flavia wenceslau › letra de eu te desejo - flávia wenceslau
- raye › letra de escapism. [mixed] - raye
- ierra pl › letra de bar za bar - $ierra (pl)
- thee_jay_gatsby › letra de i can fly - thee_jay_gatsby
- corbyn besson › letra de constellations - corbyn besson
- photronique › letra de push it to the edge - photronique
- tub of pizza › letra de jorge's quinceañera - tub of pizza
- ingi bauer › letra de massaður - ingi bauer
- the bonny situation › letra de after all - the bonny situation
- keaton henson › letra de anti-hero - keaton henson