a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de fe al ghorfa - في الغرفه - jeebreal music

(( البداية ))
روح .. جيب .. ريل .. ميوزك… واسمع ….

(( اللازمة ))
في الغرفه بعيد عن كل الناس مسكّر بابي بالمفتاح و مقفل ..
في يدي اليمين ماسك السلاح والشمال على الباغه بتمكن ..
رعبه بتسرع الأنفاس .. والسلاح صار على دماغي جنب الدان متصوب ..
بس لولا حساب المولى و خوفي من عذاب اقوى كان صرت في عداد الموتى ..

(( المقطع الاول ))
لولا الإنتحار حرام , رصاصه كان حلت مشكلتي عقلي طار من قد ما خف و الموت عايش من قلّتي
قلبي من الحامض لاوي , قهري علي مخاوي مجبور آخذ انفاسي في جوّ مقفول و الخنقه تدادي
ابوي عايش لي دور حماتي , مع اني مش متجوز موهبتي في البلد بترول فش حد عليها بنقب
لما غنيت عن خيبت عربي , عرضي ما طلع ولما نجوى قالت حبيتك فش حد فيكم سمع
حياه بتقرف , و الناس الي فيها كتير مريضه لما ربك يهديك , بيستهزؤا فيك على كل فريضه
الشيخه قالت لي : ” انا ما ملكتك لأبيعك ” بس انا شايف قلبي معروض للبيع على بسطة يخلع نيعك
الدم عمره ما يصير ميّه , بس لما طعاني في ضهري صار مالوش لا ريحه ولا لون و لا حتى طعمه
لو حد سألك بدين , اوعى تمد يد عونك ! , اول ما تكون بحاجتهم وترن , بتكنسل تلفونك !

(( اللازمة ))

(( المقطع الثاني ))
كوكتيل من اليأس الحسره و الكآبه , اضرب في الخلاط بطلع معاك تشخيص الحاله
مش متأمل في نهار جديد يزيد الطين رياله , إذا مش غاطس بالقرف لدنيك , تعال وجيب معك معالق
سمّي في الخالق , وذوق طعم الحواجز والمفارق الي في طريق شباب مستقبل بلادهم على حيلهم شاددّ
وانا من بينهم مارق و طعم المرّ في تمي عالق وربي وحده عالم إني حاسس إني عاله
بدور على الشغل والشغل بتخبئ , بدفع نص أجرة تعبي على التوصيله و مع هيك برضى
عشان اشتغل لازم يكون في عندي خبره و عشان اجيب الخبره لازم أشتغل , طب من وين أبدء !!
الراتب ما بينّصف تعبك والمدير بهريك بشروطه , بتحس معنا كلمة ” موافق ” إنك قابل كعبد تكون له
الشغل مس عيب , العيب بالفكر الإداري , الي بشوف الموظف مفروض يتحول للرجل الآلي

(( اللازمة ))

(( المقطع الثالث ))
احساس الوحده , عم يستنفذ صبري , نار الغريزة بجسمي , عم تتبنى صهري
بحلم بزوجه بالحلال في عائله واطفال , اقول عنهم أولادي و أضمهم لحضني الفاضي
بحلم اتخلص من أوامر لاغيه إرادتي , بس كف الواقع بدير وجهي عن الباقي
28 سنه و لسى بكون نفسي , مجبور علي اكون عزابي و أنا مغلوب على أمري
شعبي بآمن في العادات والتقاليد , بناسب الكرش الكبير , بطالب بالمهر الثقيل
لا صاحب خلق ولا دين هون بيلّغوا السنّه , بقولوا لصحابي المهتديّن فش نصيب مع ضحكه
وغيرهم , غرقوهم بالديون , ما نابهم غير الورطه للعرسان , عشان شو الناس تقول !
يا ربّي , للحظه فقدت عقلي , يامن يحسن التدبير , وكّلتك أمري ….

- jeebreal music

letras aleatórias

MAIS ACESSADOS