letra de mala floramye, i. čin: zbor maškara i redarstveni organ - ivo tijardović
[zbor maškara]
i cili grad se kâ uzmišâ danas
i cili grad je kâ nervožast danas- an?!
i cili grad se kâ uzmišâ danas
i cili grad je kâ nervožast danas
jer’ našen krnji učinit feštu vajâ
jer’ jedanput na godinu je fraja!
jô, ča je vesel danas split
u maškare je cili svit
su kus garbuna
dvi kore limuna
u maškaradu more svak!
[redarstveni organ]
molim mir, molim red!
[jedna maškara]
ope’ je počê!
[redarstveni organ]
ja ću postupati strogo po zakonu:
buka se kažnjava globom il’ zatvorom!
[jedna maškara]
ča je dobro nabiflâ pismicu!
[redarstveni organ]
buka se kažnjava globom il’ zatvorom!
[druga maškara]
to u auštriji, ma ne u splitu!
[treća maškara]
a molim vas, ča ste vi?
[redarstveni organ]
ja?!
[zbor maškara]
e!?
[redarstveni organ]
redar, redar, redarstveni organ!
[zbor maškara]
oho, oho
a mi smo mislili, da ste i vi maškara
a mi smo mislili, da ste i vi maškara
redarstveni organ
redarstveni organ!
i cili grad se kâ uzmišâ danas
i cili grad je kâ nervožast danas
jer’ našen krnji učinit fеštu vajâ
jer’ jedanput na godinu je fraja!
jô, ča jе vesel danas split
u maškare je cili svit
su kus garbuna
dvi kore limuna
u maškaradu more svak!
[redarstveni organ]
hoću mir, hoću red!
[jedna maškara]
nű mu miša, ča mi je energičan!
[zbor maškara]
aj’, dajmo mu mir!
[jedna maškara]
bóni, dajte čoviku bokún mira!
[zbor maškara]
aj’, dajmo mu mir!
[redarstveni organ]
hoću najveći mir!!
[druga maškara]
znate ča, šjor organj?!
ajte vi lipo spavat u vaš kažot, a pustite vi nás, da činimo ča je nâs voja!
[redarstveni organ]
ovi deboto jema prav!
split jema ča vlajov, ča bračani, ča pojičani, žudiji a ča furešti, dvajstidvi ijade stanovnikov, a tribalo bi mu baranko četrdeset ijâd pulicjoti za stavit samo bokún reda!
grên ja ća. vrag bi ovô’ stavi red!!
[svi]
zbogon jin, šjor organj! hahaha!!
jer spliske lûde maškare smo mi
di dojdemo, polûdidu van svi!
[mirko]
spliski karneval je lipa i puno smišna stvar
sama mladost, život, srića i jubavi čar!
[zbor maškara]
jer spliske lûde maškare smo mi
di dojdemo, polûdidu van svi
di dojdemo, polûdidu van svi!
letras aleatórias
- dacrissa › letra de dein versprechen - dacrissa
- debbie rockt › letra de halt mich fest - debbie rockt!
- dogas › letra de czerń - dogas
- jorrdee › letra de c'est pour tuer - jorrdee
- anas arabi › letra de ashaja3a kathret ghalaba | الشجاعة كثرت غلبة - anas arabi
- socali_xvi › letra de she got a cold heart - socali_xvi
- the vagrants › letra de clarity - the vagrants
- dragonforce › letra de hatred and revenge ( bonus track) - dragonforce
- yonosoytupadre › letra de de vuelta al pantano - yonosoytupadre
- real de catorce › letra de paria's blues - real de catorce