letra de yaretny ma kebert | يارتني ما كبرت - i'm ezla
[المقدمة]
دي بقى معتقدات إيزلا الطفولية
حاجات أنا كنت معتقدها ومصدقها من وأنا صغير
وقعدت فترة على الوضع ده، لحد ما
تشا تشا تشا
[المقطع الأول]
أحكيلك يا أسطى ماضي عليه أنا بستغفر
كنت بشرب الفيروز أتخيل نفسي إني بسكر
كانت أكبر المشاكل إني ما بعرفش أصفر
كانت أكبر المخاوف لو بلعت ريقي هفطر
مدرسة صفا، كراريسي مسطرة
تسمع طرب لو غنتلك أنا قدام المروحة
أمي فكرتني كافر وإني مصاحب الأخدود
قالتلي إزاي تشوف الشبشب مقلوب وما تعدلهوش
عارفك ياما، دايمًا تكبر الموضوع
الشبشب مش سلحفة لو إتقلب على ضهره هيموت يعني
من الزهق حياتي كانت ع المحك
كنت بمشي ع الرصيف بلاطة آه وبلاطة لا، ها
كنت زمان بخاف من الضلمة (إيه)
دلوقتي بقى مكانها في قلبي (ليه؟)
أكبر معصية كانت عندي (إيه؟)
لما خلعت عروسة باربي
[اللازمة]
ولا، يا ريتني ما كبرت، ها
كنت ألطف، كنت أهدا، كنت شايف الدنيا سهلة
ولا، يا ريتني ما كبرت، ها
كل ما أكبر أنا بقلق، نفسي أهرب ومش هرجع
ولا، يا ريتني ما كبرت، ها
كنت فاكر بكرة أحلى، دارت الأيام كالنحلة
ما عنديش حسنة
أنا في حياتي ما حصلتش حتى حاجب أحمد السقا
[المقطع الثاني]
يخلق من الشبه أربعين، دي كانت مشكلة جيل
مش عارف حنان ترك ولا دي منى زكي
وبرضه هو نفس الجيل اللي معظمه مش عارفين
الفرق بين تارا عماد وبين هدى المفتي
ما كانش لسه إخشن الصوت
ولسه كنت بهاب الموت
دلوقتي بلجأ للسكوت
كنت فاكر الخخخ بتلعن بوقي أربعين يوم
أوه، وكله كوم واللي جاي كوم
هحكيلكوا حوار جرحني نفسياً (إيه؟)
عن أول حب وكانت حب في إبتدائية
لو بتسمعيني دلوقتي كان نفسي تكوني ليا
كان نفسي أكون أمين الفصل وأفرحك بيا
بس أعمال السنة للأسف أثرت فيا
هخلص امتحانات الشهر، قالتلي هفضل مستنية
في الآخر لطشها مني واد في شرطة مدرسية
كان نفسي أكبر بسرعة ولما كبرت بقيت بقول
[اللازمة]
ولا، يا ريتني ما كبرت، ها
كنت ألطف، كنت أهدا، كنت شايف الدنيا سهلة
ولا، يا ريتني ما كبرت، ها
كل ما أكبر أنا بقلق، نفسي أهرب ومش هرجع
ولا، يا ريتني ما كبرت، ها
كنت فاكر بكرة أحلى، دارت الأيام كالنحلة
ما عنديش حسنة
أنا في حياتي ما حصلتش حتى حاجب أحمد السقا
بررر
[الخاتمة]
حصل معاك بقى أفريد الكلام ده ولا
(fidro records)
ولا (ولا)
يا ريتني ما كبرت
كنت شايف الدنيا سهلة (ولا)
يا ريتني ما كبرت
كنت فاكر بكرة أحلى، دارت الأيام كالنحلة
(ولا)
letras aleatórias
- locksmith › letra de ghost - locksmith
- sryan › letra de dearest - sryan
- tiron ayomari › letra de ruca - tiron & ayomari
- scarlney › letra de whenever you need me - scarlney
- jovan › letra de wake up! - jovan
- mojinos escozios › letra de el piropo - mojinos escozios
- rainald grebe › letra de ballermann - rainald grebe
- tyler the creator › letra de bring the hi hat in - tyler, the creator
- next to the box › letra de boldtesangen - next to the box
- yara يارا › letra de teu sonho não acabou - yara يارا