letra de ghayess - icosium
يااه ايكو واش ؟ ايكو شكون ؟ ايكوزيوم صديقي
بليدار – ديطوكس – برااه
[المقطع الاول]
الوقت يفوت الشمس تتغطى ياك الزمان غربال
درت سراية فالبوم فتيزي بين الجبال
عاشرت بزاف الخاينين فحياتي الرجال قلال
التخياط فطريق السد ياك يديك لزنيقة الهبال
نعرف البلاد كي جيبي مالا نعرفها واش تسوى
الرخيس اليوم يتشيبي يولي يبيع غالي غدوة
المصغر على الغربة مضروب او عايش حياتو ملقي
يدور قارو بوب يخلي عقلو يزقي
تخمامو راو بعيد اه واش مازال تحكيلو ؟
عينك هي ميزانك بخزرة عقلة الكيلو
و الصاحب الخداع اه ماشفتوا كي جاني
خليك جارك فبلاصتو الهدرة عليك و المعاني تاني
اللي راك دايرو شاع دارها بيناتنا باين
رميتوا العشرة ل الشارع اااي و تقولوا انا الخاين
عقلي راو مور البحر فعقلي راني غارق
ماعليش دير روحك مافهمتش مابقاش و الوقت يفرق
[اللازمة -2]
تخمامي في بزاف عفايس فالحباب اللي راحوا الله يكون فالعون
غارق فالكاس راني حايس بالدموع اللي طاحوا من خدود كحلة العيون
لاس راني غايس لاس راني غايس
[المقطع الثاني]
سقسي نبيل ال في على التخمام كي يروح بعيد
من الصباح نخموا كيفاش ايا نحاربوا الفيد
اللي فاتوا الطعام يقول شبعت ها وعلاش قاع جيعانين
اللي فاتوا الكلام يقول سمعت ها وعلاش قاع مارقين
حكيت لـ الورقة هبت رفع القلم راح فيها
كي نحكي على الغرام نخمم تخمام راو فيها
درتها بيك افهمي قصدي الوقت دارها بيا
ياك كنتي عنوان قصتي بالحروف الذهبية
من غير لـ الورقة ماحكيت انا والله مادريت
اللي كنت دايروا خويا معاك نتيا يديرها بيا
زيد كاس اسقيني ديراكت بالكاس الثاني
مانيش نادم على اليام على اللي راح و خلاني
الصابر ينال اكتيفي نافيقي الوقت راو يطير
كنا دراري فالمسيد نامنوا بالعطلة فيها خير
من قوة كثرو المواس انثقبت العين اللي فظهري
خرجت على الكذاب حواس لقيتو عند باب داري
[اللازمة -2]
تخمامي في بزاف عفايس فالحباب اللي راحوا الله يكون فالعون
غارق فالكاس راني حايس بالدموع اللي طاحوا من خدود كحلة العيون
لاس راني غايس لاس راني غايس
[المقطع الثالث]
الوقت جاز خلاني غايس فاللي فات واللي مات
درتوا فالجرح ما برى داويتوا بشيئ كليمات
نشفى عشقت فالليل من هذاك النهار ماجاني النوم
نطلع راسي نخلي عقلي غايس فالنجوم
نشفى أنا و قريبي كنا نخموا للبعيد
كي فارقنا البحر و العمر مازال قلبها حديد
حكيت عليك بزاف عمرت السطور دوكا الحديث قياس
يا نقطع البحور آه يا نقطع اليأس
[اللازمة -2]
تخمامي في بزاف عفايس فالحباب اللي راحوا الله يكون فالعون
غارق فالكاس راني حايس بالدموع اللي طاحوا من خدود كحلة العيون
لاس راني غايس لاس راني غايس
letras aleatórias
- grewsum › letra de donnie darkflow - grewsum
- jessa anderson › letra de i won't break - jessa anderson
- terri j stott › letra de yearning and hoping - terri j. stott
- kari bremnes › letra de sommerkjoledyr - kari bremnes
- dear jane › letra de 別說話 - 國 (don't talk country version) - dear jane
- johannes joner › letra de cruella de vil - johannes joner
- maranatha praise band › letra de shout to the lord - maranatha! praise band
- money boy › letra de killa swag - money boy
- zacarias ferreira › letra de no te vayas - zacarias ferreira
- juliet simms › letra de free bird (the voice performance) - juliet simms