letra de dame, a vous sans retollir - guillaume de machaut
dame, a vous sans retollir
dong cuer, pensée, desir
corps, et amour
comme a toute la millour
qu’on puist choisir
ne qui vivre ne morir
puist a ce jour
si ne me doit a folour
tourner, se je vous äour
car sans mentir
bonté passés en valour
toute flour en douce odour
que on puet sentir
vostre biauté fait tarir
toute autre et anïentir
et vo douçour
passe tout; rose en coulour
vous doi tenir
et vo regars puet garir
toute dolour
dame, a vous sans retollir
dong cuer, penséе, desir
corps, et amour
comme a toutе la millour
qu’on puist choisir
ne qui vivre ne morir
puist a ce jour
pour ce, dame, je m’atour
de tres toute ma vigour
a vous servir
et met, sans nul villain tour
mon cuer, ma vie et m’onnour
en vo plaisir
et se pité consentir
vuet que me daigniez oïr
en ma clamour
je ne quier de mon labour
autre merir
qu’il ne me porroit venir
joie gringnour
dame, a vous sans retollir
dong cuer, pensée, desir
corps, et amour
comme a toute la millour
qu’on puist choisir
ne qui vivre ne morir
puist a ce jour
dame, ou sont tuit mi retour
souvent m’estuet en destour
pleindre et gemir
et, present vous, descoulour
quant vous ne savez l’ardour
qu’ay a souffrir
pour vous qu’aim tant et desir
que plus ne le puis couvrir
et se tenrour
n’en avez, en grant tristour
m’estuet fenir
nonpourquant jusqu’au morir
vostres demour
dame, a vous sans retollir
dong cuer, pensée, desir
corps, et amour
comme a toute la millour
qu’on puist choisir
ne qui vivre ne morir
puist a ce jour
letras aleatórias
- pepe aguilar › letra de corrido de los perez - pepe aguilar
- aloe blacc › letra de find your way - aloe blacc
- david chidiac › letra de sad and heavy - david chidiac
- paulo fg › letra de te boté - paulo fg
- gucci mane › letra de reminise - gucci mane
- jacob banks › letra de move with you - jacob banks
- alive in barcelona › letra de the fight - alive in barcelona
- naturalist › letra de rapture - naturalist
- trina › letra de obsessed - trina
- discocrew › letra de här kommer rebecca - swisstylerz remix - discocrew