a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de sharea el regola | شارع الرجولة - essam sasa

[المقدمة]
(حصرياً على موقع مهرجانات دوت كوم)
شارع الرجولة مسافلتينو عاملين هناك تجديد
بقى جحر مليان بالسموم تلبس كلبش حديد
كله شمال، إرشاد وكدب والموج عافي وشديد
(كيمو الديب)

[اللازمة]
أنا إتأذيت علشان جدع ومن اللي فيا هموت
ماركة صحابي يا أقل جودة، مستوردينها يهود
ضربين رصاصة غل جلت، كنت أنا المقصود
طبع الأسد مكروه عشان أقوى واحد في الكون
ما رحمش حد جه تحت إيده، على طول نابه مسنون
لو كان عايشها بحب فعلاً كان زمانه مدفون
[المقطع الأول]
مساء الزفت على العمر اللي بيعدي
وكل يومين بعيط وأبكي على حالتي
حاسس بمؤامرة، كل الناس بقت ضدي
بسن سلاح قديم راكنه بقى مصدي
جاري إستخراج آخر سنتي من الطيبة
شربت أنا شوب غل وكره ومصيبة
ده مشروب شر شربه وعامله تركيبة
بقى مضاف على حسابكوا دمغة وضريبة

[اللازمة]
شارع الرجولة خلاص قفل، معمول فيه ألف كمين
بقى جحر مليان بالسموم محشورة فيه تعابين
كله شمال، إرشاد وكدب وما عادش حد يمين
شارع الندالة مسافلتينو عاملين هناك تجديد
تعمل جدع تاكل وجع تلبس كلبش حديد
طيار خيانة يا صاحبي عالي الموج عافي وشديد

[المقطع الثاني]
بقيت منتج وكل صحابي بايعاني
بقضي الليل لوحدي حزين أنا بعاني
من الخنقة أنا قطعت شرياني
بنادي على الموت خلاص مش عايز أعيش تاني
أنا إستكفيت يا ريت تبعدوا تسيبوني
ولما أديتكوا إيدي جيتوا كلتوني
ده حتى الأكل اللي عليه عزمتوني
طبختوا السم فيه، عايزين تسموني
[اللازمة]
جالي إنفصام وأنا في الظلام جوايا بقى شخصين
شخص نضيف بيقول حرام كله سلف ودين
اللي أنا هعمله هشوفه لو حتى بعد سنين
وشخص تاني غبي ومخيف واخد طريقه شمال
داق كل أنواع الخمور وما داقش حاجة حلال
يجرح ويقسى ويفتري وضميره مش شغال

[المقطع الثالث]
سيناريو الحب هتشوفه بس في السيما
وقيس أو ليلى فيلم وموضة وقديمة
بلاش ده الحب يابا ضربته دي غشيمة
معاكش فلوس ده صفر شمال مالوش قيمة
بخاف أدعي على كل اللي كارهني
لتيجي في ناس قريبه قوي مني
ليه اللي أديله قلبي يجي يكسرني
واللي أعتبره مكسب عادي يخسرني

- essam sasa

letras aleatórias

MAIS ACESSADOS