a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de povu nia lian - endure crew

[verse one: no k]

povu ne’e nia terus
hateke matan borus
nonook laiha lian
promete fila aan
timor lakon naroman
povu mak sente todan
nafatin ami harohan
timor hetan naroman
pergunta bo’ot povu hatoo:
“rai timor ne’e se nian?”
ulun bo’ot la rona-malu
povu terus laiha lian
liu husi eleisaun
hamusu korupsaun!
husik todan povu leba
ne’e maubere nia lian
povu terus ho aileba
atu husu ba se?
hisik kosar ho aileba
atu husu ba se?
ne’e lian husi foin sa’e
jerasaun ba rai ida ne’e
hamutuk ita tane
lori domin lao ho dame
se mak timor?
o timor, ha’u timor!
respeita ba bandeira
keta sura ba kadeira
[pre chorus: no k]
hamosu ho maneira
susar ne’e sei la para
hamosu ho maneira
susar ne’e sei la para!

[chorus: ag98]
ami hakarak sente hakmatek, iha rai ida ne’e
hadook husi terus no susar, iha rai ida ne’e

[verse 2: no k]
hakarak rona-malu hodi foti rai timor
jerasaun sira sai trauma wainhira haree polítika
foti vota kontra, haree ba idaidak nia kor
koko hadomi timor tanba korupsaun la iha valór
ne’e povu nia lian
ne’e joventude nia lian
ne’e jerasaun nia lian
rona ba ho fuan
rona, tau iha laran, karik hadomi timor
rona, tau iha laran, karik hadomi timor

[verse 3: berrus us]
povu presiza kontente
haree notisia, povu barak mak triste
la’os iha tempu antigu
moris hanesan monarkia
povu nafatin hetan kastigu
liuhusi faktu ne’ebe mak imi taka
povu nafatin sai bola
ne’e mak imi-nia gaiola
halo povu hanesan bola
povu hakarak hamnasa
povu hakarak kontente
povu hakarak hakmatek
iha rai doben ida ne’e
liuhusi tempu uluk
inan aman sira-nia planu
agora ulun bo’ot barak mak lanu
hanesan ne’e hela de’it
hatutan ba sira-nia jerasaun labele monu
povu tur hanoin hahaan ba loron aban
ulun bo’ot sira deskute ba sira-nia aan
povu hakmatek ho sira-nia motivasaun
sira kontente ho korupsaun
ne’e mak sira-nia atensaun
ba sira-nia sasaan
haluhan povu nian

[chorus: ag98]
ami hakarak sente hakmatek, iha rai ida ne’e
hadook husi terus no susar, iha rai ida ne’e

realidade hatudu momoos iha ita-nia matan
demokrasia, osan mak talentu imi-nian
dezastre mosu kintu-kantu hakanek povu nia fuan
resposta mak promete falsu, tuda fatuk subar liman
laran makerek, hakribi povu nia susar
finjidu nonook, maibé promete midar
konflitu laran makerek, imi mak kria
hanesan diabu, halakon povu nia alegria
saida mak agora akontese iha ita-nia rai?
povu halerik ho matan-ween tun ba rai
barak susar no terus, la’o lemo-rai
balu fila, hateke, doko ain hanesan tiha fali liurai
fila-fali ba kotuk
hakbesik husi kotuk
covid 19 nia prezensa
ne’e sadis tebes, fodas!
iha oras ne’e kedas
povu barak ba barak sente moras
[chorus: ag98]
ami hakarak sente hakmatek, iha rai ida ne’e
hadook husi terus no susar, iha rai ida ne’e
ami hakarak sente hakmatek, iha rai ida ne’e
hadook husi terus no susar, iha rai ida ne’e

- endure crew

letras aleatórias

MAIS ACESSADOS