a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de 12 de novembro - endure crew

[ verse 1: metan bobonaro]
hakmatek ho silénsiu
hanoin hikas, fila ba kotuk
aswain aten brani
mate naklekar liu balada
inan feton nia halerik
hanesan moris la iha klamar
dala barak hasoru, mate, moris ho terus
estraga nia vida liuhusi ameasa
iha loron sanulu resin rua nia laran
fulan novembro, ema barak mate
ema barak tanis, ema barak halerik
ema barak kanek, baku hirus matan
hakilar viva timor (viva timor, viva timor)
lakon nia vida tan rai timor
ikus nia luta ne’e sai valór
hafoun nasaun ba nia jerasaun
naklekar ho mate la iha kaixaun
barak mos hetan nia depressaun
hakarak hetan paz rasik iha nasaun
sai husik familia, promete sei fila
ikus iha paz, nia isin loloon la iha
buka la hetan, la hatene iha ne’ebé
atu husu ba se? la iha lian ne’e hatan

[ hook: ag98 ]
sira terus duni
lian halerik ba paz
tan o rai timor
hakilar juventude
loriku aswain
hamriik tuba rai metin
la tauk hasoru mate
tan o timor ha’u pr-ntu lakon moris
[ verse 2: mc snow ]
ran fakar ba nasaun
hatudu ho asaun
aten brani hanesan sebastiaun
nasionalismu metin iha moris no mate
timor nia valór nafatin sei hodi to rate
la fihir kor, la fihir horik fatin
la fihir partidu, buat hotu ba ha’u-nia rain
hamriik hametin ain tuban
la husik ema seluk atu mai sai nain
ita hotu liu rai, kaibauk iha rentoos
belak iha fuan defende lia loos
natureza, matebian no maromak
la taka matan, timor sei la hakfodak
ran maubere, klamar funu nain nian
sempre pr-ntu mate ho surik iha kanotak
husi lalotak hodi hakat hakilar
hamutuk hotu hotu halerik husu dame
hasoru kilat musan, maske isin kuak
bandeira rdtl nafatin sei tane
hodi imi-nia terus no mate mak ami hetan moris
hodi imi-nia passadu nakukun mak ami hetan koris
ba imi ohin hotu hotu so bele lutu
ba imi so bele fo silensiu iha um minutu

[ hook: ag98 ]
sira terus duni
lian halerik ba paz
tan o rai timor
hakilar juventude
loriku aswain
hamriik tuba rai metin
la tauk hasoru mate
tan o timor ha’u pr-ntu lakon moris

[ verse 3: berrus us ]

sira pr-ntu mate hakarak jerasaun
sente kontente iha ita-nia nasaun
liu husi ne’e, inan-aman sira entrega
sira-nia aan ba ema estraga
baku, oho, so’e isin lemo rai
hakarak iha valór ba ita-nia rai
ohin loron ami sente kontente iha ita-nia rai
juventude loriku aswain
hit sae bandeira, loke hirus matan
la ta’uk mate, hakarak independénsia
moris livre iha ita-nia rai
maske barak mak fakar ran
tan hakrak ukun rasik aan
juventude hamrik hodi hakilar
mate ka moris ukun rasik aan
imi-nia istória nafatin falun
iha ita-nia nasaun
tan imi mak bele hetan libertasaun
ohin loron ami sente moris livre
no sente hakmatek, sente kontente
foin bele hamnasa iha ita-nia rai
doben timor lorosa’e
doben timor lorosa’e

- endure crew

letras aleatórias

MAIS ACESSADOS