letra de ra7 marg3sh | راح مرجعش - el joker
[المقطع الأول: الجوكر]
راح مرجعش ، نادوه بعلو الصوت مسمعش
نداهم مبيفرقش بعد ما قالو الواد منفعش
الواد اتشد ، طبعو حد ، وحيد و مفيش فى حياته حد
مبينمش ، مبياكلش ، الهم ساب علامات فى الخد
الواد وصل لفين ؟ سؤال وصل فى معاد متأخر
وصل لان كان جواه انسان ، لكن اتبخر
وصل لايه متسألوش ، وصل لشئ ميخصكوش
!هو انتو فين من بدرى كنتو عمى مبتشفوش ؟
الواد جاب اخرو ، شرب الكاس لاخرو
الواد بقى عار عليكو بعد ما كنتو بيه بتتفاخرو
الواد بيموت وبينكو ، و الاسباب مش على تفكيركو
الواد شايل ما بيحكى ولما بيحكى بيحكى لغيركو
الواد مش منكو ، الواد لو منكو كان امنكو
الواد لو منكو مكنش يروح لحضن غريب ويسبكو
الواد فارقكو ، واختار يكون وحيد فى ضيقتو
و بدل ما تسبوفيه لآ بالخير تجيبو سيرتو
[اللازمة]
راح مرجعش لا داعى لذكر اسمه
راح مرجعش و اهلو مش بيحنو
راح مرجعش لما اتمزق وانتى راضيه بكده
راح مرجعش لما حس حياته متهدده
راح مرجعش من امتى اللى يروح بيرجع
راح مرجعش لما القريب بينسى مين هيمنع
راح مرجعش ليه ارجع مستنى ايه
راح مرجعش انسينى سابنى لدمعى يواسينى
[المقطع الثاني: دوشة]
تانى .. الماضى بيرجع قدامى
تانى .. الاب سايبنى واحدانى
!طب ليه لما امى ماتت قولتلى تعالى ؟
الجرح عليا يزيد و الصوره بتتكرر استحاله
سبتنى و هربت عليا كدبت
و انا اللى وقعت و اتبهدلت و دمعى منى سال
العقل مات اتشال
رحت و مرجعتش مسالتش ولا حتى فيه
و لما جيت تشوفنى اسيت نسيت انى يتيم
زودت عليا اهات دموع بتمزق
طب مش مصدق اسأل بعديها فرق
قلمى عليا بكى و جرحى منى اشتكى
قاعد مستنى يوم الـ لقى
بالبنت اللى ماتت فاتت الدنيا و هى جمبى
الجد عاجز ، ساكت ، بيقول مش ذنبى
يابويا ارجع اسفلك ، انا مش هخبى
انا من غيرك مفيش دمعتك مرسومه فى قلبى
[اللازمة]
راح مرجعش لا داعى لذكر اسمه
راح مرجعش و اهلو مش بيحنو
راح مرجعش لما اتمزق وانتى راضيه بكده
راح مرجعش لما حس حياته متهدده
راح مرجعش من امتى اللى يروح بيرجع
راح مرجعش لما القريب بينسى مين هيمنع
راح مرجعش ليه ارجع مستنى ايه
راح مرجعش انسينى سابنى لدمعى يواسينى
[المقطع الثالث: علي الشاعر]
الجرح اتخلق ، القلب اتحرق ، العقل وصلو إشاره
النفس اتخنق ، الجسد اتشنق ، الموت بيفوز بجداره
من فرح لغم ، وظلم وهم ، وقلبى بيصرخ أه
من جرح ليأس ، لعزه نفس ، وبرضو محدش حس بس
القلب مات ، و الظلم زاد ، و بتقولى ليه كل شئ أخرو البعاد
مـ النهارده متلاقيش ، حبك عندى ميساويش
انسان على الغلط اترمى عشان للصح مشدكيش
لأ هعيش ، و همحى اسمك من قاموس لغاتى
من الليلادى ، الغدر هخدو طبعى و اعيش حياتى
كنت جمبك لما كنتى فى عز ضعفك و انتى خنتى
و للغريب بكيتى و روحتى ، و مـ الحضن اللى حبك خفتى
مش هاقول القلب مات و اقول انى مكسور
بس هاقول القلب عشانك هد الف سور
حبيتى تحكيله ليه مسمعش ، عشان منفعش
و الانسان اللى كان منك مات خلاص وراح مرجعش
[اللازمة]
راح مرجعش لا داعى لذكر اسمه
راح مرجعش و اهلو مش بيحنو
راح مرجعش لما اتمزق وانتى راضيه بكده
راح مرجعش لما حس حياته متهدده
راح مرجعش من امتى اللى يروح بيرجع
راح مرجعش لما القريب بينسى مين هيمنع
راح مرجعش ليه ارجع مستنى ايه
راح مرجعش انسينى سابنى لدمعى يواسينى
[المقطع الرابع: عمرو بيه]
من بعد موت السندريلا و انتحارعروسه البحر
نطق الصخر ، زرعت فى ارض شجره توت
ثبتنى الصبر ، سميت الصبر بحديد مربوط
و الكبت اسهل هم فـ نوته قسمه الضغوط
العقل رافض المبدء و القلب مش متهئ
فالواقع ليه يتصدق !! سو
بصرخ بقول يا سكوت سكت ليه مالأول
رضيت بجرحك مره يبقى ترضى لو طول
اه يابا يانا ياما ياما يانا يابا
يا نفس يا اماره ، خساره فيكى الاهه
جف دمعى ، و من خلفى الستائر
عبد فى الارض سائر و المر يغوى
شربت الصنعه تمام اتفضل انزل نفذ
ماضيك تنساه ترميه فى مستقبل يتحفذ
بناء عاللى أسس نسى حلمه اللى مكملش
ساب ماضى الشقى يتكبس ، وراح مرجعش
[اللازمة]
راح مرجعش لا داعى لذكر اسمه
راح مرجعش و اهلو مش بيحنو
راح مرجعش لما اتمزق وانتى راضيه بكده
راح مرجعش لما حس حياته متهدده
راح مرجعش من امتى اللى يروح بيرجع
راح مرجعش لما القريب بينسى مين هيمنع
راح مرجعش ليه ارجع مستنى ايه
راح مرجعش انسينى سابنى لدمعى يواسينى
letras aleatórias
- lil twist › letra de nerve - lil twist
- haiku › letra de dog day - haiku
- kime › letra de snowing - kime
- natiive devin kennedy › letra de feels like the first time - natiive & devin kennedy
- john givez › letra de dumb it down - john givez
- dopedilla › letra de late late night - dopedilla
- taylor ray holbrook › letra de the cabin anthem - taylor ray holbrook
- cesaria evora › letra de moda bô - cesária évora
- stories untold › letra de strangers - stories untold
- xene › letra de how to beat a case - xene