letra de konti l كنتي - el joker الجوكر
“كنتي” كلمات االجوكر[المقطع الاول]
كانت بتمص مني كل مللي طاقه ، وانا على أمل
أصحى يوم ألاقيها حست … ألاقى حالها اتعدل
بالتدريج فقدت الأمل … كل اللي هيتعمل إتعمل
معادش عندي غير انتي صح … علشان معدتش حمل جدل
كان سهل أسيبك بدري ، لولا قلت سهل أسيبك
لو حالك متعدلش … ومتعدلش … وخايف أسيبك
لأحسن أتوجع في البعد وجع مستحملوش
فبقول وجع عارفينه أضمن من اللي منعرفوش
مش يمكن أسيبك أتعب .. أضعف .. أرجع .. ترفضيني
أو تقبليني وانتي عارفه إن انتي إمتلكتيني
فأخسر حتى صرخة جبت اخري ، وهى يادوب
بتخليكي بعد سنين عجاف تروي عطشي يوم
ياريتني كارهك انتي … انا كاره نفسي وانا معاكي
كاره نفسي عشان حباكي … رافض نفسي عشان قبلاكي
ونفسي ييجي يوم وأكتفي ، ييجي يوم وأختفي
نفسي أحط راسي على المخدة راضي عن موقفي
[اللازمة]
كنتي أول نمرة أحفظها … أول صوره في المحفظه
أول خوف هستيري لسبب زي إنك موبايلك فصل
أدمنت حضورك .. حتى لو هتنامي على السماعة
اكتشفت معاكي إن المكالمة بتفصل بعد ساعة
[المقطع الثاني]
معادش فيا مكان لطعن … معادش لحاجه طعم
مجرد رفس الغطا ، والقوم من على السرير بقى صعب
عدت سنه من يوم ما بعدنا ، ولأجل ما أكون صريح
سنه تقلها ميتوصفش .. مهما أكون فصيح
تدريجيا كان بيموت إحساسي .. لما عيني فضيت
عشت معاها بصفتي لوح إزاز .. وكتر خيرها رضيت
ولسه بحكي عنك للحيطان ، وللطريق
ولسه العمر بيجري ، ولسه كل يوم بطيء
وكل ما ائن .. أفقد الأمل في كون الجرح يلم
فـاقول مسيرها تزهق … هي تقول مسيري أحن
انا في وضع ببذل فيه مجهود يسوء .. ميتحسنش
مانا بتواجه إني مزيف .. بنفجر مش عاجبك إمشي
أحلامنا كان مبالغ فيها ولا الواقع خاننا
العيب كان في إجاباتنا ، ولا العيب كان إمتحاننا
عزفنا على أوتار اللوم ، وعلى أوتار الأسف
نكره كل شيء مش كامل ، واحنا مش كاملين للأسف
[اللازمة]
كنتي أول نمرة أحفظها … أول صوره في المحفظه
أول خوف هستيري لسبب زي إنك موبايلك فصل
أدمنت حضورك .. حتى لو هتنامي على السماعة
اكتشفت معاكي إن المكالمة بتفصل بعد ساعة
كنتي آخر نمرة أحفظها … آخر صوره في المحفظه
آخر خوف هستيري لسبب زي إنك موبايلك فصل
أدمنت حضورك .. حتى لو هتنامي على السماعة
اكتشفت معاكي إن المكالمة بتفصل بعد ساعة
letras aleatórias
- nogizaka46 › letra de ごめんね ずっと・・・ - nogizaka46
- nelson goncalves › letra de ingrata - nelson gonçalves
- bankroll fresh › letra de rack stackin - bankroll fresh
- bat for lashes › letra de kids in the dark - bat for lashes
- news › letra de som en fange - news
- safe to say › letra de bleed - safe to say
- rafinha acustico › letra de fim de ano - rafinha acustico
- lil wop › letra de where you at - lil wop
- sleep in › letra de a lot to say - sleep in.
- gracie › letra de oxum - gracie