letra de عمر أحمد الجنايني | omar ahmed el ganainy - el ganainy
هاي .. ممكن نتعرف ؟ إسمي فلان ، وانتي؟
معجب بيكي و عاوزك تبقي صاحبتي وحبيبتي
فيا مميزات كتير وبمعنى أصح شبهك آوي
مليان عقد بس أنتي عارفة ، محدش فينا سوي
على فكرة آنتي مختلفة و بأمارة كذا وكذا
وهنمضي سوا عقد اهتمام للأبد من الأزل
مش عاوز منهم غيرك ، ده آنتي بالدنيا كلها
وتوتة توتة نامت صحيت مالقتوش جنبها
مش هأقول زي الافلام انه خلاص خد غرضه ورماها
هو ملا فراغ بوجودها وحس بـ ملل ف مشاها
عزف باسم المشاعر على أوتار قلبها.. ورقصوا
ولأن الكمال لله.. كان بيعوض بيها نقصه
أسوأ شيء في الدنيا مقارنة نفسك قبل و بعد
ويموت قلبك و ييجي إللي قتلك على قبرك ب ورد
ومحدش تعب غيرك.. ولا حد اتأذى إلا آنتي
وده ببساطة يا بنت الناس علشان إنتي صدقتي
إحنا كدابين بنتاجر في معسول الكلام ونهاجر
من قلب لـ قلب و قلوبنا لم تعد تحمل مشاعر
إحنا بنصرف كلمة فنقبض ودن، فندفع نبرة تجيب الرجل
يجوع القلب يقوم ويزن ، فياكل حب ، ينام و يحن
مشوهين من جوا لعبنا بيكي، قتلنا مشاعرك
ودي نهاية واحد بدأ ب إنه جاي ” يساعدك”
متصدقيش (بحبك) الا لو فعله أكدها
وإن قالك (وحشتيني) ، بلاش تحسي إنه قاصدها
وان قال “هموت واشوفك” .. قولي “عيش وتعالى شوفني”
هيسأل “إمتى وفين؟”.. قولي “لما تيجي تخطبني”
وإن قال “بغير عليكي” ، اعرفي إن دي أنانيته
وإنك في الآخر خالص.. مش اكتر من صاحبته
وإن قال “بفكر فيكي” ، وانك “مالية عليه حياته”
يبقى عنده فراغ عاطفي وعاوزك فقط لاحتياجاته
مـ الاخر يا شهرزاد ده ملخص حكاية طويلة
شهريار مش هيحبك بعد الف ليلة و ليلة! :’)
أنا أسف لو احرجتك باني واجهتك بالمشكلة
أنا بس كتبت ده.. لأني كنت بعمل كده!
ونصيحة مني.. حطوا شروط قوية لأي علاقة
سواء زمالة ، اخوة، ارتباط ، أو حتى صداقة
علاقتك قاعة محكمة وحبك قضية وإنتي القاضي
متصدقيش كلام بدون أدلة وقلبك فاضي
ولأن الناس مش شبهك.. ولأن الحب مرض
إكتبي ع قلبك : الدخول للصادقين فقط
letras aleatórias
- unknown mortal orchestra › letra de chronos feasts on his children - unknown mortal orchestra
- genius translations › letra de shawn mendes - lost in japan (turkish/türkçe) - genius translations
- classified › letra de powerless - classified
- uncle spike › letra de high - uncle spike
- yeng constantino › letra de kulang - yeng constantino
- collateral › letra de hell of life - collateral
- anthony hoang › letra de grinding - anthony hoang
- rumba de bodas › letra de imaginaria - rumba de bodas
- ary official › letra de bright side - ary (official)
- jackie faraoui › letra de peace and lovin' - jackie faraoui