a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de a7eh | أحيه - cilly cyben

[اللازمة]
أجدع واحد فينا خلع
إسكندراني، ما تقوليش أحيه
فرق حوالي ٢٠٠ كيلو كإننا دولتين
سكينة في وشك قبل ضهرك، مش هنسمي
حاجة مالكش يد فيها، مش هتبقى ميزة فيك

[المقطع]
الدنيا متاهة، صعب عليا ألاقي الحل (ألاقي الحل)
بني آدمين في برواز مش فاهمين إيه اللي جاي
مليون كتاب بيحلف إنه لقى السر (لقى السر)
جعانين للماديات، عايشين على فقدان الأمل
حاسة إنني منفصلة
‫ما بقاش عندي stamina
خلقي إضيق، بخبط في كله
حاسة إني برجع ورا
بيقولوا عني أسوأ كلام
إتغيرتي؟ قال يعني عرفوني زمان
تعبت من كل حواراتكوا
بقينا بني آدمين من ورق
لسه فاكرة لحد دلوقتي
أول حاجة طلعت عني
إتشغلتوا بمقاس صدري
فلات فما ينفعش أغني
مرة تقولوا شبه مايا، سارة
ولا حتى حنفي
بصوا على حالكوا، بذمتكوا
دي مش حاجة تخزي
إن كل مرة حد فينا (حد فينا)
يحاول يطلع من وسطينا (من وسطينا)
لازم نهده بإيدينا (بإيدينا)
ونضمن إنه تحتينا
كله بيحاسب كله
ووقت الحكم بنستخبى
عنديش كلام أضيفه
ما هي قربت الخاتمة
إتعلمنا حروف كتير
كانش فيه فرصة نكتب
داخلين على التلاتين
ولسه على أهالينا بنكدب
ما نعرفش الصح فين
يمكن من الحقيقة بنهرب
if it’s bad news إبعد
مش عايزة أي حاجه تحبط
بتفرق معانا المادة بس بنحاول نداري
كلنا بنغير كلامنا لما بنشوف أتاري
ما فرقش العيش والملح هنا لما الفلوس ساقت
ما بقاش فيه أي هنا لما دماغنا ساحت
قلوبنا قاسية على غيرنا
شفناكوا في خير غيرنا
بنبص لبعض بضحكة
بنتمنى لبعض أي محنة
[اللازمة]
أجدع واحد فينا خلع
إسكندراني، ما تقوليش أحيه
فرق حوالي ٢٠٠ كيلو كإننا دولتين
سكينة في وشك قبل ضهرك، مش هنسمي
حاجة مالكش يد فيها، مش هتبقى ميزة فيك
إسكندراني، ما تقوليش أحيه
فرق حوالي ٢٠٠ كيلو كإننا دولتين
سكينة في وشك قبل ضهرك، مش هنسمي
حاجة مالكش يد فيها، مش هتبقى ميزة فيك

- cilly cyben

letras aleatórias

MAIS ACESSADOS