letra de nas w nas - ناس وناس - cairokee - كايروكي
[المقطع الأول]
في ناس ماتت عشان تعبر وترفع يا بلد إسمك
وناس عاشت عشان تهبر وتنهش حتة من جسمك
في ناس حاربت عشان عرضك، روت من دمها أرضك
وأدت يا وطن فرضك بدون لحظة ما تتردد
في ناس ماتت عشان مبدأ سنين بسلاحها في الخندق
ومين ممكن يكون أصدق من اللي عشانِك إستشهد
فيه ناس ماتت بلا زفة وسابت مصرنا واقفة
ولو يتحط في الكفة بطل منها بجيش كامل
[المقطع الثاني]
لا تعرف يعني إيه تطبيع ولا معنى إنك إنت تبيع
تاريخ أمة خلاص بيضيع بوهم إسمه سلام شامل
في ناس قضت على الجبهة سنين مكوية بلا هبها
تاريخنا عمره ما جابها ولا سجل حكايتها
لا سألت عن مكاسبها ولا العيلة اللي هتسيبها
ولا كانت بتحسبها وضحت راضية بحياتها
فيه ناس حاربت ومش عايزة ولا تكريم ولا جايزة
وقابلت ربها فايزة بجناته ورضوانه
وناس عاشت عشان تحرق وطن وفي ثروته تسرق
وجاهزة تهج لو يغرق فلا عاشوا ولا كانوا
[المقطع الثالث]
في ناس لأجل البلد صنعت ملامح نصر بيه رفعت
رقابنا فوق وما طمعت في مال يا مصر أو شهرة
في ناس لأجل البلد قاست وفوق المستحيل داست
وناس من بعدها عاثت فساد في أرضك الطاهرة
من الشهدا في عبور الجيش إلى الشهدا في طابور العيش
سنين فاتت وما قدرتيش تصوني نصرك الغالي
في ناس سرقت ثمار النصر وباعت كل حاجة في مصر
وخليتنا نعيش في عصر ما هيش بلدي وأنا مالي
وأنا مالي
وأنا مالي
وأنا مالي
letras aleatórias
- tha dogg pound › letra de these hoes - tha dogg pound
- koonta 쿤타 › letra de nothing - koonta (쿤타)
- caracol television › letra de reflejo (remix) - caracol televisión
- ralfy › letra de terribly cute - ralfy
- gen bello › letra de summer in harlem - gen bello
- ghosttokyo › letra de idontwannago (og version) - ghosttokyo
- krgkgm › letra de i'm not done - krgkgm
- joe sample › letra de i'm coming back again - joe sample
- symbios › letra de demon - symbios
- xx_biwwey123_xx › letra de crimes against humanity - xx_biwwey123_xx