letra de hit helga tré - burzum
þar var draupnir
ok dolgþrasir
hár, haugspori
hlévangr, glóinn
dóri, óri
dúfr, andvari
skirfir, virfir
skáfiðr, ái
alfr ok yngvi
eikinskjaldi
fjalarr ok frosti
finnr ok ginnarr;
þat mun æ uppi
meðan öld lifir
langniðja tal
lofars hafat
unz þrír kvámu
ór því liði
öflgir ok ástkir
æsir at húsi
fundu á landi
lítt megandi
ask ok emblu
örlöglausa
önd þau né áttu
óð þau né höfðu
lá né læti
né litu góða;
önd gaf óðinn
óð gaf hænir
lá gaf lóðurr
ok litu góða
ask veit ek standa
heitir yggdrasill
hár baðmr, ausinn
hvíta auri;
þaðan koma döggvar
þærs í dala falla
stendr æ yfir grænn
urðarbrunni
þaðan koma meyjar
margs vitandi
þrjár ór þeim sæ
er und þolli stendr;
urð hétu eina
aðra verðandi
– skáru á skíði, –
skuld ina þriðju;
þær lög lögðu
þær líf kuru
alda börnum
örlög seggja
þat man hon folkvíg
fyrst í heimi
er gullveigu
geirum studdu
ok í höll hárs
hana brenndu
þrisvar brenndu
þrisvar borna
oft, ósjaldan
þó hon enn lifir
heiði hana hétu
hvars til húsa kom
völu velspáa
vitti hon ganda;
seið hon, hvars hon kunni
seið hon hug leikinn
æ var hon angan
illrar brúðar
þá gengu regin öll
á rökstóla
ginnheilög goð
ok um þat gættusk
hvárt skyldu æsir
afráð gjalda
eða skyldu goðin öll
gildi eiga
letras aleatórias
- ballistix › letra de down in flames - ballistix
- vigon bamy jay › letra de long train runnin' - vigon bamy jay
- grebz › letra de барабаш (barabash) - grebz
- lil sai › letra de dior - lil' saï
- matao mathias › letra de o negócio da minha mulher - matão & mathias
- tiny moving parts › letra de along the lakeside - tiny moving parts
- the classics › letra de gimme that horse - the classics
- will harken › letra de can't take you back - will harken
- tattoo the scars › letra de bridges burned - tattoo the scars
- herencia de patrones › letra de algo de mi - herencia de patrones