letra de to the weaver's gin ye go - andy m. stewart
my heart was ance as blithe and free
as simmer days were lang;
but a bonie, westlin weaver lad
has gart me change my sang.
chorus.-to the weaver’s gin ye go, fair maids,
to the weaver’s gin ye go;
i rede you right, gang ne’er at night,
to the weaver’s gin ye go.
my mither sent me to the town,
to warp a plaiden wab;
but the weary, weary warpin o’t
has gart me sigh and sab.
to the weaver’s, &c.
a bonie, westlin weaver lad
sat working at his loom;
he took my heart as wi’ a net,
in every knot and thrum.
to the weaver’s, &c.
i sat beside my warpin-wheel,
and aye i ca’d it roun’;
but every shot and evey knock,
my heart it gae a stoun.
to the weaver’s, &c.
the moon was sinking in the west,
wi’ visage pale and wan,
as my bonie, westlin weaver lad
convoy’d me thro’ the glen.
to the weaver’s, &c.
but what was said, or what was done,
shame fa’ me gin i tell;
but oh! i fear the kintra soon
will ken as weel’s myself!
to the weaver’s, &c.
writer: robert burns, serge hovey
lyrics © hovey music company
letras aleatórias
- ibrahim tatlises › letra de senin pabucun dama (hip-hop remix) - ibrahim tatlıses
- yfg pave › letra de tilidin - yfg pave
- noel › letra de mg - no:el
- sondia kim junhwi › letra de 외딴길에서 (on a secluded road) - sondia & kim junhwi
- chicago › letra de the road (live on soundstage) - chicago
- adam pacitti › letra de what happened to that wrestler? - adam pacitti
- f e a t s › letra de stressing - f.e.a.t.s
- aintnolie › letra de əflatun - aintnolie
- ayna › letra de mimoza - ayna
- coeur de glace › letra de jnoun slaya / djinn killa - coeur de glace