letra de amr gomaa [fantazia] - amr gomaa [fantazia]
الڤيرس الاول
محتار و حزين من احوال المصريين
بيدعوا يقولو امين بعدها بشويه يسبوا الدين
ستاشر سنه تعليم و وظيفه لابناء العاملين
لما تغلط عقابك علي اساس انت ابن مين
فمن صغري كل حاجه كانت ماشيه معايا غلط
غشيت نجحت ذاكرت سقطت الوضع عليا اختلط
و الكراش نفضتلي عشان دقني مش كامله
و معنديش تفاحه آدم و عروق ايدي مش بارزه
حتي اهلي مش شايفني كأني بالنسبالهم نمله
صامد زي الالف بس حاسس ان ناقصني همزه
وحيد وسط الناس منطوي في وجودي مش موجود
طنشت الناس كبرت دماغي لاقتني مبسوط
فبقيت اقضي وقتي بتفرج علي افلام و كوره
و في الوقت اللي باقي اكتب اشعار في حب برشلونه
كل تأخيره و فيها خيره فاتحشر ساعتين في اشاره
لو اهتميت باللي باشوفه هشيل المراره
الكوراس
قالوا تطيب الحياه لمن لا يبالي
انا ادرس اللامبالاه و برضه مش طيبالي
بقدس الاكل و النوم بحب السينما و الكارتون
اللامبالاه موجوده في دمي عباره عن هرمون
الڤيرس التاني
مش مهتم بالدراسه لاني مش محتاج اشتغل
تلاجتي فيها مايه تكفيني 10 سنين
فلو بتعلم عشان المرتب يبقي النظام في خلل
و الخلل واضح من سنين بس انتوا ساكتين
ما هو من سخريه القدر معايا اني اتولدت في مصر
فكانت لحظات الفشل 10 اضعاف لحظات النصر
في حياتنا المعاناه زي ما في الذره النواه
و الشعار الموحد للشباب كسم الحياه
طيب نبطل سف و تعالوا نتكلم جد لوهله
هقولكم نبذه عن ليه انا مش عاجبني حالي
الحلو في مجتمعنا زي حبه رز في كوم رمله
يعني احمد موسي اعلامي و ابو تريكه ارهابي
الثوره للشباب و القرار للعواجيز
جابوا رئيس مش نافع غير في المحن و التهجيص
كان نفسي احب بلدي و اصدق انها ام الدنيا
بس واقعنا غلب الخيال العلمي و الفانتازيا
letras aleatórias
- district 21 › letra de no place for me - district 21
- сияние radiance rus › letra de они (they) - сияние (radiance, rus)
- ali_ila › letra de on me - ali_ila
- ace of base › letra de all that she wants (moombahteam remix) - ace of base
- gemaine › letra de 10 toes - gemaine
- night viper › letra de lady bad luck - night viper
- eno e lisete weiss › letra de obrigado senhor - eno e lisete weiss
- 24hrs dj drama › letra de otw - 24hrs & dj drama
- ww › letra de comin' to getcha - w&w
- yung hard › letra de block - yung hard