a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de abdou dz - yemma [audio] - abdou dz

parole :

يما إسمحيلي إذا غلطت معاك فكلمة
مكانش قصدي نزعفك

يما اليوم نويت نكتب عليك
علابالي مانقدرش قد مانوصف قليل فيك
يلي رفدتيني 9 شهور على جالي شربتي المر
يلي تعذبتي عجالي ربيتيني في وقت الصغر
كي كنت صغير كي نبكي غير نتي لي ترديلي البسمة
ندعي ربي ونترجاه يحفظلي هاذي النسمة
أول خطوة كنتي معايا قابلتيني بالفرحة
كي نكون راقد نحب على صوتك لحنين نصحى
قد مكبرت فعمري مي فعينيها نبقى صغير
مكانش في الدنيا غير يماك اللي تتمنالك لخير
نقولهالك ونعاود أكتبها فمخك ألف خطرة
كي متدخلش للدار تحكمها فقلبها وحد السطرة
غير يماك اللي تخاف عليك مكانش اللي سامع بيك
أسمعني وحل وذنيك صاحبك لانتيم يستشفى فيك
باغية تشوفك في عينها راجل هذا ماتتمنى
أمشي في الطريق الصحيح نوصيك جامي للعيب تدنى

refrain :

يايماااا أرضاي عليا
هذا مانتمنى
تحت رجليك الجنة (2)

كي تكبر تتفكر ليام لعدات عليك
تتفكر كي تمرض شكون يسهر الليالي يخزر فيك
تتفكر شكون كان في صلاتو ديما يدعيلك
ياربي أحفظلي ولدي هذا أعز مانملك
تتفكر كي تبكي نتايا شكون اللي يبكي معاك
تتفكر فوقت الشدة شكون وقف حذاك
تتفكر اللقمة تنحيها من عندها وتعطيك
تتفكر واش وصاتك على رفاق السوء اللي دارو بيك
متلومينيش يايما إذا لقيتي وليدك تبدل
صراولي بزاف صوالح وين وليت نكتب بالدم
ندمت على بزاف غلطات مدرتلهاش حساب
درتها بيدي يما أني نتحمل فهاد لعذاب
عاشرت بزاف عباد ميستاهلوش كلمة صديق
موقفوش معايا وين كنت مغموم فوقت الضيق
راني متمني عفسة تخرجني من هاد لبلاد
الله غالب كرهت لمعيشة في سبة هاد لعباد
وعد عليا يما رح تبقاي نتي عينيا
تبقاي نتي لعزيزة ومن غيرك مندير النية
قد مندير في حياتي منقدرش نردلك خيرك
ماشي هدرة برك نتي كامل في قلبي دايرك
متروحيش يايما الدار بلا بيك متسوا والو
شحال من واحد طاح في الزنقة وبالنية حشاوهالو
كانت حابة تشوفني طبيب مي خسارة الزمان غدرني
القراية متحبنيش بين قوسين قاتلي بعدني

refrain :

يايماااا أرضاي عليا
هذا مانتمنى
تحت رجليك الجنة (2)

- abdou dz

letras aleatórias

MAIS ACESSADOS