letra de mirage سراب - a-mofer
شافو الراب يتيم كلشي ادعى الابوة
عطيني تعضيم سلام وستليو نفجر العبوة
ريم بلا ريجيم طاحونة تمضغ لي تنوا
كجام اوريجين يزيد هرمون الرجولة قوة
سوايع طايرة ماشا فاقد الاحساس بالوقت
الوفات مور الوفات من الواقع كرهت
على امل يسقينى زهري جغمة راني تجرعت
ابار الحكرة نهز الشفرة شي ايام تسرعت
غي دعاوي الوالدين لي تفك والرضي يفرش الطريق
يعمر الحفاري فين تصطم ماطيحشي ينسي الحريق
عدويا بلع الريق فيكتيم خطر فالعقلية
خارج من السرب حر الجهل سكن فالاغلبية
عبيد الاورو هادو لي ردو بلادي محمية
امبريالية والافريقي بنضرة عنصرية
بين الهراوة والحرمان لقى الالحاد مودا
الميديا politique المخزن مثلت برمودا
مرسمشي خط احمر ودلع دغيا بدا كيتغرع
مخدوع وفراسو بلي مع الطبيعة يمنع
يوزع موالين الشي بالدوبل ناسيوناليطي
صلاحيات فصباحيات ولا في الاحلام
توسع فالنفود.وحياتنا زيرو كاليطي
تا ولينا مجانين علينا رفعت الاقلام
لا شيز اليكتريك الخوف يخلي الفرحة اوهام
بلا ارادة الدمعة نزلت خوتي طارو اشلاء
حاربوني حتى فنفسي والاهانة اشكال
تحت السباط مادام فالقاموس الحرية إشكال
كلشي باغي ينتف كملوها طحنو الاشبال
كترو القوادة كون جا بيدي نعلق لهم الحبال
على الملأ نقلبو موازين الاقبال
شرك التيكي دالصمت الزفزافي فتحلو الاقفال
خرج المختطفين وضحايا الاحتيال
ودخل المرتزقة و كلاب الاحتلال
خلاو الشر ميال تمناو تخسر الكفة
والدماغ طافي عيان قليل لي دراو بالخفة
طيح تلعب الايام ولي ميسواشي تشفا
والضفة بعيدة اميال لي يدو عياو توفى
ملسوع حتى في الخيال مع الحيات سجين
فقانون الادغال حكمو الضباع سنين
شربو دم الغزال وطاحو فالعجل السمين
نحبس ولا مزال نعاسي داه الكافيين
presing felmazra3a sa3ida
casting mor laction 9bel ta2bida
rba7 w khsara tefham l7ayat w 9awa3ida
bola dayra wakha mara marra tekhlef mawa3ida
نشوف الحالة لي وصلنالا جيوبنا ولاو كالا
امازيغي جبلي عربي سوسي شلوح
شي كيصقصي على العدالة في ضيعة اصحاب الجلالة
شي مركز فالترتيب مانلوموشي وعيو منكوح
سؤال يبقى مطروح مرفوض بلا سبب
في انتضار يوصلك الخبر منتيف بلا سند
طاكرو علينا من كل قنت الحمية تغلب الاسد
حتى اصبح الحق حلما داخل البلد
جبرنا غي السراب سبقونا شدو الينابيع
الكناش عمر كلشي غلا بقات غي العشبة لي رخيصة
وراق الخريف طاحو بكري تعطل الربيع
خرجولنا متاسلمين رشو فالعيون الهريسة
وتفتحت الخريطة والبنك فرضت القيود
وتعاودت الكاسيطة فسط بيرو كليماتيزي
كريميناليس بيليكروسوس فالحرب فرق تسود
بقينا فالحضيض والسلطة راه فشونزيليزيه
لميكرو سكات يبريزيه سنين هكدا والفني
من بعد الغيبة شفت السيبة فحالي ماشي بشر
عطاوني دواء النسيان مع المدة لقيتو متلفني
لافنير هرب ولاجونيس في خطر
letras aleatórias
- great leap skyward › letra de black sea of trees - great leap skyward
- rhymefest › letra de coolness - rhymefest
- werd › letra de tristan - werd
- mike › letra de rottweiler - mike
- kristoff krane › letra de birthday song - kristoff krane
- jutes › letra de my mistake - jutes
- fettes brot › letra de der beste rapper deutschlands ist offensichtlich ich - fettes brot
- david the bandit hill › letra de swimmin' in my pool - david "the bandit" hill
- dj adam 12 › letra de ultimate mc rush - dj adam 12
- walk off the earth › letra de red - walk off the earth