letra de m3ana rebi - zed-k زادكا
نتا يا لي حبيتها ..
شوف وين ديتنا ..
باش هكا مديتنا ..
باين عليك لشواكرك مديتها
زادكا
توجور بقلب واحد
هوووو
بان الراعي و بان الذيب
ينود الشعب يطيح الديم
لبلاد آي تسحقنا فالضيق
كامل ديتو .. جيب واش ديت
هوووو
حرية و مطلع يدي
و غير الشعب لي يدي
و مكاش لي يكرهكم قدي
نتوما حبيتو .. « معانا ربي »
ما بياش باكي .. ما نديهش
يا بلاد توقفي .. و ما نمشيش
قلوب الخير آي باقية و فاقت خلاص يا دزاير ما تبكيش
الموت و فراقك .. فقلبي
غرقنا فكاسك .. فاض البير
حبيتو يسيل الدم بالسيف و الناس آي واعية بواش تدير
و هادي زيد ضيفها البراني يبقى ضيفنا
و ما نسحقو حتى واحد يرايي علينا فبيتنا
ما بيناش فيلمات .. زيتنا فدقيقنا
بكل فطنة
بلا فتنة
حنا نعجنوها ب يدنا
يا شكوبي روحو عيينا خلاص و نقابلوكم كيما تحبو
لا جيتو رجال تجو راس براس و لا قمعتو الشعب يجيب حقو
و لي علفتوه كباشكم كاس خليهم فالبطحة يعسو
حنا القرمة لي بيها تحسو و صوت واحد لي تسمع حسو
هوووو
بان الراعي و بان الذيب
ينود الشعب يطيح الديم
لبلاد آي تسحقنا فالضيق
كامل ديتو .. جيب واش ديت
هوووو
حرية و مطلع يدي
و غير الشعب لي يدي
و مكاش لي يكرهكم قدي
نتوما حبيتو .. « معانا ربي »
« معانا ربي »
الشعب مزال على بلادو يغير .. دم الشهداء يجري فيا
ما دام هبت رياح التغيير .. تكون العدالة الإلهية
و يعيش الوطن تعيى تشوفو خير .. و يعيشو الجزائرية
و تروحو يعني تروحو نتا و تحير
” demain sera plus beau que hier ”
ني ماريكان ني حتى غريب .. حنا بيناتنا مشاكل عائلية
و الشعب وحدو عن قريب .. يكون النصر بقوة “شعبية”
لا أحزاب لا خرطي نامن والو .. ما عشناش نفس الميزيرية
حنا هوما لي كنتو تبحرولنا البالون .. و يسموني « رحيم زكريا»
زكريا .. زكريا .. تشوف الهدرة توجع بكل سلمية
ناس قارية .. أصبر أيام برك و يطيحو المافيا تطيح السلطة الطاغية
و رايس لا خبر .. بلاصتو فقبر
الأمة ماهيش راضية و ما تسمحش فالقضية
الشعب يقرر .. التاريخ لي يهدر
« عصابة ماهيش باقية .. لمزبلة تاريخية »
هوووو
بان الراعي و بان الذيب
ينود الشعب يطيح الديم
لبلاد اي تسحقنا فالضيق
كامل ديتو .. جيب واش ديت
هوووو
حرية و مطلع يدي
و غير الشعب لي يدي
و مكاش لي يكرهكم قدي
نتوما حبيتو .. « معانا ربي »
معانا ربي ايه
يا أيها الشعب العظيم
علابالي كامل رانا حابين ..
مي لازم تكون فاهم و رزين ..
خلي ما نكونوش سبة باش أي واحد يكون حزين
ما نكونوش قوة ذو حدين ..
و ما نخلوش قفة بلا يدين ..
يا ايها الشعب العظيم ..
التغيير فكرة ..
و الايمان بالفكرة .. هو لي يخليك تلحق الهدف ..
و كيما قال بومدين الله يرحموا ..
مالأخير هي قضية رجال
letras aleatórias
- letra de idc - clarity
- letra de nothing - sad penny
- letra de bud bud ding ding - arabi
- letra de the carnival (she will always be) - pax
- letra de jōshi (alles besiegt) - kaltenkirchen
- letra de a rose in the dark - daniel jacob cox
- letra de centrum - de danske hyrder
- letra de urcatfinnagetafatkickin - vrlucid
- letra de you (murphy cubic remix) - holly rey
- letra de february - dead bird lady