a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de masr btfra7 | مصر بتفرح - yousef joker يوسف جوكر

[المقطع الأول]
اختنا العزيزة الحكومة متشكرين
لاحترامك للمواطن واهتمامك العظيم
الدنيا مية مية ، شكرا للداخلية
شكرا للوزارة وشكرا للسيسي العظيم
اشكرية علي النجاح ، قوليلوا تحيا علي الفلاح
شكرا علي القضاء علي الارهاب وعلي السلاح
حسسية بالارتياح اللي احنا بقينا فيه
اشكرية ، واسالية ، يا تري من غيره هنعمل ايه ؟
اشكرية علي السياسة اللي ظهرت من غير ميعاد
اشكرية ع الرقاصات اللي بيمثلوا البلاد
اشكرية علي المزاد ، اللي بيبيع الفساد
اشكرية علي المحاكم اللي بتشرد ولاد
وعلي السجون اللي مصروف عليها ملاين
اصلاح وتهذيب للناس المسنين
اشكرية علي القناة الجديده وعلي المليارات
واشكرية علي الامهات اللي محبوسين غارمات
هو اللي هيعدي بينا اي محنة صعبة
هو المنطق اللي ماشي علي الصراط المستقيم
قوليلوا بإسم اليهود وبإسم المسيحين
انت اكتر واحد ينفع يبقي إمام المسلمين

[اللازمة]
لو مصر بتفرح ليه ، انا زعلان مش مبسوط
انا عارف إنها كدبة ، ياللا الكدبة تفوت ولا حد يموت
هل ممكن اكون غلطان ! ، او جاهل مش فهمان
لو جاهل العيب منهم ، طالما عايزنا نعيش علي طول في سكوت
[المقطع الثاني]
يا سعادة الباشا انا عارف احنا المفروض منتكلمش
وعارف إنك ماشي علي الاشواك ومابتخافش
بس عايز اقولك ، كتر خيرك ريح نفسك
متتعبش عشانا احنا اصلا منستاهلش
شايل الف هم ، واحنا غم فوق الهم
كل يوم شهداء ودم ، ودماغك مش ناقصه وش
هتجيب الوقت منين ، كل يوم هتقول معلش ؟
لا ميصحش ، احنا منستاهلش ، أسفين
اقفل الميادين ، مفيش حرية قرار
احنا مش بتوع ديمقراطية ولا بتوع حوار
احنا مش زيكوا ، احنا مجرد شعار
ولا بنسئ ولا بنصيب ولا بإدينا الاختيار
لو قولنا كلمة تضايقك ، اسفين اكيد هزار
كفاية علينا الامان حتي لو الامان مرار
اصل احنا شعب قاصر مش بإيدينا المصير
لو الكل اختار فرزدق يبقي اللي هيكسب جرير
ممكن يكون الامر شوري ، في اتحاد الكوره
لكن لما يكون الامر كبير اضرب بإيد من حديد
ياشعب هتنسي نفسك ولا ايه ياشعب عبيط ؟
هتتحاكم بتهمة إنك عايز تستفيد

[اللازمة]
لو مصر بتفرح ليه ، انا زعلان مش مبسوط
انا عارف إنها كدبة ، ياللا الكدبة تفوت ولا حد يموت
هل ممكن اكون غلطان ! ، او جاهل مش فهمان
لو جاهل العيب منهم ، طالما عايزنا نعيش علي طول في سكوت
[المقطع الثالث]
الدنيا ماشية ازاي ؟ الدنيا ماشية صح
مش مهم التفاصيل البية مش فاضي يشرح
بس فيه قناة سويس جديدة ومصر بتفرح
هنا تغمي عينك وتمسك الطبلة تنجح
لا يصح الا الصحيح وانتوا الصح بعينه
واللي يعترض السجون مستنياه
لكن اللي جاي من بره ، ادخلوها امنين
الخدمة سياحي فاخر طول ما باسبوروا معاه
شكرا علي قفل البرامج ومحو كلمة ائتلاف
شكرا ع العنصرية وعلي الخوف من الاختلاف
شكرا علي الوعود وان مش هيبقي فيه بطالة
شكرا ع المساواة وكل الشهادات عمالة
خلي المناصب اللي فوق محفوظة لناسها احلي
مش لولاد عامل النظافة ولاد الزند اولي
والاغنية دي محاولة ، لشكر البهوات
يوسف جوكر بيقولكوا احلي مسا علي الخواجات

- yousef joker يوسف جوكر

letras aleatórias

MAIS ACESSADOS