a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de mijne velo - willem vermandere

Loading...

‘k hadd’n ik ne velo, ‘k hadd’n zelve gemakt
maar ‘k zijn hem verloren, z’ hèn hem gepakt
ie was zo schone geschilderd in ‘t rood
mijn velo, mijn leven, maar nu is ‘t mijn dood

op heel de weireld en was er maar één
genen tweeden bestaat er, die past voor mijn been’n
‘t was juste mijn mate, nie te klein of te groot
ge meugt heel gerust zijn, den dief schiet ik dood

ik kochtte de kadеr van gino bartali
en ‘t was de zaete van fausto coppi
‘t was dе guidon van silveer maes
en ‘t achterluchtje van ernest claes

ik hadd’n ik de rugge van briek schotte
maar ook de charmes van josefien charlotte
‘k hèn anquetil nog geklopt in de sprint
en ‘t was nog bergop en tegen de wind

van rik van steenbergen, ha’k een koppel banden
en gelijk van looy, veel haar op mijn tanden
‘k hadd’n ik een drankje, dat was iets heel sterks
‘k hadd’n dat gekregen van eddy merkx

alzo ha’k van iedereen de goe kwaliteiten
en mijne velo zat vol met specialiteiten
‘k dee honderd ter eure nuchter of zat
natuurlijk bergaf en de wind in ‘t gat
en ‘k zie da’j’ nu peist, ‘t is toch al nie waar
hoe kun je nu koersen met nen baard en lang haar
gemakkelijk gezeid maar moeilijk bewezen
want w’ hèn daar in ‘t volkske nog nooit van gelezen

en toch is ‘t waar, want hort nu maar goed
ik sprintte en ‘k loste ‘k ik die lange stoet
direct in ‘t begin een half eure voor’n
zonder pardon ze waren al verloor’n

en kwam ik in ‘t zicht van den arrivée
‘k spr-ng van mijne velo en ‘k dei nie meer mee
voor mie was ‘t plezier en voor hulder was ‘t geld
want ‘t is voor die grote surtout dat die telt

en ‘k dronk’n ik een pintje op d’n hoek in ‘t cafe
nog just op tijd voor de koers’ op den teevee

- willem vermandere

letras aleatórias

MAIS ACESSADOS

Loading...