a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de mazalni 2 - trap king (dza)

[المقدمة]
اي، اي، اي
اي، اي، اي
فطريقي مازالني ماشي mes principes شايد

[اللازمة]
فطريقي مازالني ماشي mes principes شايد
للقرآن، أنا ما نديرش على هاد الغاشي dislike يديروا
هادوما حارين غير كي يكونوا ماكلين الكاشي
يدير الخير قدام عيون الناس وفدارهم والديه ناسي
فطريقي مازالني ماشي mes principes شايد
للقرآن، أنا ما نديرش على هاد الغاشي dislike يديروا
هادوما حارين غير كي يكونوا ماكلين الكاشي
يدير الخير قدام عيون الناس وفدارهم والديه ناسي

[المقطع الأول]
نتوجع كي نونكيسي jamais ما نكيتي الحرب مام نكون مبليسي
même pas d’ici غدرني وبكى، سبقني وشكى، مافيكش رجلة
بربي نستفتح، أرضي نفلح، نقنط لي يكرهني كي نقسّح
دموع التمساح فكتافي يمسح، حتى يشوفني فالشر باش يرتاح
دراعي مڨشط، ناكل من سقي، من فم السبع نجيب حقي
واش كسبت نستاهل، عرقي، ماشي من بابا دارلي رزقي
لي قراب حسدوني، لحقني بلاهم، كي ننجح ما ينقص من عمارهم
ناس بكري ما غلطوا فكلامهم “لي يكثّر صحاب يتلف خيارهم”
قلبي كبير بحال سفينة نوح، رفدلي العباد والبهايم
ريحة الغيرة منهم تفوح، فبحر الحسادة اني عايم
والتنوفيق تاعكم ما نفقه، نتبع سواڨكم نولّي تافه
نترفه principe الكفاف والعفاف، حمد الله كون ما عنديش
مانيش طامع يسمعوني فديار، يكفيني حب ولاد حومتي
ما نسحقش ڨاع نكون سطار مادامني نجمة فعين معيمتي
الراجل تعرفوه في خصلاتو، شاد فصلاتي ولاتي بصنعتي
لي ما قدر يوصل بسمعتو ما راح يوصل كي يشوه سمعتي
[اللازمة]
فطريقي مازالني ماشي mes principes شايد
للقرآن، أنا ما نديرش على هاد الغاشي dislike يديروا
هادوما حارين غير كي يكونوا ماكلين الكاشي
يدير الخير قدام عيون الناس وفدارهم والديه ناسي
فطريقي مازالني ماشي mes principes شايد
للقرآن، أنا ما نديرش على هاد الغاشي dislike يديروا
هادوما حارين غير كي يكونوا ماكلين الكاشي
يدير الخير قدام عيون الناس وفدارهم والديه ناسي

[المقطع الثاني]
الحمد لله ما بقاش إستعمار في بلادنا
بصح كاين لي على جالهم فالبوطي هجروا ولادنا
غير البروسيات و النظام فالمعيشة يغلي
النظام فالمعيشة يغلي les taxes غير البروسيات و
يا الرايح وين مسافر كي تروح بلاك تولي
20 سنة كامل عصابة، طفولتنا فالعشرية
صغرنا كامل ضاع، شكون فيكم لي حس بيا؟
عيشتونا فالكآبة، يحس بيا اللي مكوي بالكيّة
كليتو ڨاع البلاد وخليتولنا الوطنية
نحكي عَ المنكر obligé أنا من الشعب وندافع عَ الشعب
مام لوكان نعرف نتخلخل كلمة الحق أنايا نهدر
شبابنا يموت فالبحر، عملتنا قيمتها تتكركر
بـ 500 أورو تعيش شهر، بـ 500 دينار تحفف غي شعر
هنا يحڨروك بالعين ويقادروا غير اللي عندو الكتاف
حلابة، مكبوتة، غبنتنا وتنعاف société
باش ينجح الراجل يخدم ويهمبر بزاف
طفلة يكفي غير تكون عريضة وعندها الأرداف
في بلادي باش تنجح في حياتك ما تسحقش تكون قاري
لازم تكون مسؤول فاسد ولا تغني فالكاباري
sans arrêt شفت بزاف لي كان وليد فاميليا ولى يتعاطي
و ادا فهمنا واش صاري jamais كلش زاد غير الشهرية
اللي مبلي بالتشوتشنة ربي يعفو عليه، اك تذوب قبل من الأجل
اللي يدخلها الموت مليح ليه واللي يبيعها ماشي راجل
الإعلام تاعنا ساكت عَ المنكر والتفاهة فخبر عاجل
400 حراڨ في نهار، الناس en famille راي تهاجر
[اللازمة]
فطريقي مازالني ماشي mes principes شايد
للقرآن، أنا ما نديرش على هاد الغاشي dislike يديروا
هادوما حارين غير كي يكونوا ماكلين الكاشي
يدير الخير قدام عيون الناس وفدارهم والديه ناسي

[الخاتمة]
كلامي موزون كيما الشيخ العنقى، ما تلومش الريح ادا حبيبك ورقة
وليد الشعب ونعرف الزتقة، نقيس بزاف ناس غير بطلقة
اللي مبلي بالتشوتشنة ربي يعفو عليه، اك تذوب قبل من الأجل
اللي يدخلها الموت مليح ليه واللي يبيعها ماشي راجل
peace

- trap king dza

letras aleatórias

MAIS ACESSADOS