a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de zitadella - tommy vercetti

d luft vou zuckerwatte
d sohle vou sagmäuh
dr vorhang gleitet ufe
farbigi liechter dräie abe
peitsche knalle, tiger chnurre
häng klatsche, chinder schreie
ig erinner mi ad freud tief inn
es chlises ching ir hingre reihe
und iz sitz i vor em spiegu
u schminke mir mis gsicht
setz di roti nase
und es lächle uuf wo blitzt
es biz faute vrzeue
ds läbe aus e aute witz
äs isch zumne job worde
sit ig nümme schwitz
früecher hani troimt vo däm
gwöhnleche lüt chli schönheit gäh
possne gäg die gross’u starche
lache gäg die böse mächt
kunst, sprach, liedeschaft
clown-kostüm so filigran
narremaske transparänt
ä spiegu für die ganzi wäut
i ha dänkt, i chäng mi säuber sii
ä zirkus mues ke gränze zieh
frei wie sini räder redi frei
vo mire läbre wäg
i bruch nid viu zum läbe
äs fahrends bett, ächli applous
im cabaret isch aus erloubt
ds isch di ächti stimm vom vouk

doch d realität het mi ufghout
wiu e show cha nur e show sii
ds isch mau mi troum gsi
doch s isch nur e troum gsi
vrchoufts oder vrchoufts nid
wie hesch du’s mit em gloube
e troum isch ä ballon
entweder är platzt
oder är flüügt dr wäg, wäg, wäg, wäg
lueg, är flüügt dr wäg, wäg, wäg, wäg
lueg, är flüügt dr wäg
applous ruuscht i mine ohre
wiene ruusch für mini seelä
rampeliecht, am abe fliesst
parfüm i mini kehlä
wo si die edlä zwäck
i zieh mi läbenssinn i dräck
la dr gäutigsdrang la schreie
lüüter aus mi säubschtrespäkt
bieti de lüt chli öpis eigets
bliibt dr biifau mir vrweigret
zeigi aues so wie gwöhnt
finges aui sofort schön
u bliibt ds schöne so wies isch
bliibt mi nummer wie si isch
de bliibt dr hunger wiener isch
während dr diräkter hummer frisst
was mini kunscht o immer spricht
äs mues ihm stütz gäh
soviu si ar macht schadet
mues se mindeschtens o nütze

i ha dänkt, i vränder d wäut
doch bi anschiinend numene clown
schwinge d revolutionsfahne
u polier drmit dr trohn
du wosch ä stimm gäge d macht
doch nur d macht git dir e stimm
u dis talänt bringt ersch öpis
wenn se ihre öpis bringt
u d lüt ströme i zirkus
für chli spass u für chli sinn
u dänke, sie hei öpis gmacht
sobaud dini stimm erklingt
doch d realität het mi ufghout
wiu e show cha nur e show sii
ds isch mau mi troum gsi
doch s isch nur e troum gsi
vrchoufts oder vrchoufts nid
wie hesch du’s mit em gloube
e troum isch ä ballon
entweder er platzt
oder är flüügt dr wäg, wäg, wäg, wäg
lueg, är flüügt dr wäg, wäg, wäg, wäg
lueg, är flüügt dr wäg

doch d hoffnig stirbt zletscht
u so verreck i nid
besser e clown aus
e seiltänzer unger dr decki sii
steu dr vor, ds läbe
graduus loufe oder vrsäge
nüt säge – nur ä schmale grat
wo für eim spricht
da bini lieber e clown
o wenn sech d müeh nid lohnt
nähme die erwachsne mi ned ärnscht
mach i d ching doch zminscht froh
äs chlises wort ids ohr
us ämä same vilech e boum
vilech bini naiv
doch was bliibt mer übrig ussert gloube
und i ha text
i cha glücklech schlafe
wenn se nume eine checkt
plumpi ungerhautig oder politischs manifescht
macht bruucht kunscht
dsch ds priis wo sie het zauht
sit sie üsi chöpf wiu behrrsche ohni gwaut

u so öffnet sech e ruum
im mitspiele, überraschend
80 prozänt isch maskerade
20 prozänt seisch du, was sach isch
gäld isch unparteiisch
u we d lüt di gnue beklatsche
chasch so kritisch sii wied luscht hesch
aber trotzdem klingle d kasse, auso los
sie herrsche mit schönheit
u mit schönheit si mir gross
si bruche üs, ohre si off
ds isch üsi chance
sie dänke, mir hei koschtüm
doch mir zeige aues nackt
schminke üsi gsichter u
schminke d wäut ab

- tommy vercetti

letras aleatórias

MAIS ACESSADOS