letra de a poets welcome to his love begotten daughter - robert burns - tim graham
thou’s welcome, wean! mishanter fa’ me
if thoughts o’ thee, or yet thy mamie
shall ever daunton me or awe me
my sweet, wee lady;
or if i blush when thou shalt ca’ me
tyta, or daddie. —
tho’ now they ca’ me fornicator
an’ tease my name in kintra clatter
the mair they talk, i’m kend the better;
e’en let them clash!
an auld wife’s tongue’s a f-ckless matter
to gie ane fash. —
welcome! my bonie, sweet, wee dochter!
tho’ ye comе here a wee unsought for;
and tho’ your comin i hae fought for
baith kirk and quеir;
yet by my faith, ye’re no unwrought for
that i shall swear!
wee image o’ my bonie betty
as fatherly i kiss and daut thee
as dear and near my heart i set thee
wi’ as gude will
as a’ the priests had seen me get thee
that’s out o’ h-ll. —
sweet fruit o’ monie a merry dint
my funny toil is no a’ tint;
tho’ thou cam to the warld asklent
which fools may scoff at
in my last plack thy part’s be in’t
the better half o’t
tho’ i should be the waur bestead
thou’s be as braw and bienly clad
and thy young years as nicely bred
wi’ education
as onie brat o’ wedlock’s bed
in a’ thy station
gude grant that thou may ay inherit
thy mither’s looks an’ gracefu’ merit;
an’ thy poor, worthless daddie’s spirit
without his failins!
’twill please me mair to see thee heir it
than stocket mailins!
for if thou be, what i wad hae thee
an’ tak the counsel i shall gie thee
i’ll never rue my trouble wi’ thee
the cost nor shame o’t
but be a loving father to thee
and brag the name o’t
letras aleatórias
- letra de barillet - nor
- letra de murder death kill - the bullitts
- letra de ceiling$ (can't $ee) - dakidswaylow
- letra de a$ap worldwide cypher - a$ap rocky
- letra de the wilder mile - freedom fry
- letra de the lotion - black shady
- letra de i wanna dance with an angel - e.g. daily
- letra de wunder bars - pare baal
- letra de back again - live - irie révoltés
- letra de level up - mainiax crew