letra de om al mawjat - the synaptik السينابتيك
[مقدمة]
let’s do it four by four
and then let’s do some more
يا يا ياه أم الموجات
[المقطع الأول: السينابتيك]
خايف أرفع أيدي عنكم وتطلعو لغم
خايف أضلني ماسك فيكم وتطلعو طعم
خايف أضيع من حياتي كمان كمشات
بين الدراسة والراب لا هان ولا هناك
خايف أصحى يوم الاقي شخص عادي بالمراي
خايف يوم أبطل أحلم وأترك هالشغلة وراي
خايف ينسوا يهجروا يتركوني ويكبروا
وأنا أكبر و أهدافي شوي شوي يصغروا
خايف أوصل ل اللي بدي أياه و أضل تعيس
خايف أطلع بالآخر واحد بعرفش يعيش
خايف يسحبوا الفيش و أصفي بلا وصله
كلهم يحبوا التقليد و أضلني لحالي الأصلي
خايف تفوز الظروف خايف تخون الحروف
خايف الحالة تلزمني أني الزم السكوت
خايف من الصعود خايف من السقوط
خايف من مجهول وخايف من الجمود
[اللازمة]
جاييك بأم الموجات لتشيل كل شي وتعيد من جديد
قارب معمول من أصوات يا بينقذني يا بغرق فيه
وهيلا هيلا هيلااا
وأملنا معلق بالريح
[المقطع الثاني: السينابتيك]
أكبر الحروب هي الي بنخوضها بالصمت
الإكتئاب بوكل فينا شوي شوي والضغط
قاعد على الصدر و بيدفشنا لنتطرف
فماد أيدي الكم مع بعض نقدر نتصرف
لنواجه كل الزفت ونطلع بأقل ضرر
رجعوا يوسف لأبوه بلكي يرجع فينا بصر
نترك أثر حتى لو صدى غصبٍ عنهم كلهم
وإذا أكل حديد(ي)@ صدأ بضل الموج يقلهم
غصبٍ عنكم الدم الجديد رح يورث الأرض
والموج رح يمسح معالم بطشكم
ويضل الغُنا وحب الحياة فوق القبور الغرقانة
وأثر الموج رح يغسل كل الأرواح التعبانة
ونرجع على الشط نضاف.. ننسى كيف نكره.. ننسى كيف نخاف
[اللازمة]
جاييك بأم الموجات لتشيل كل شي وتعيد من جديد
قارب معمول من أصوات يا بينقذني يا بغرق فيه
وهيلا هيلا هيلااا
وأملنا معلق بالريح
letras aleatórias
- letra de claymore - shinigami
- letra de a younger man - don henley
- letra de all sides - halfnoise
- letra de perfect slumber - s.s. something
- letra de look at me now - brennan savage
- letra de gianni b - gianni bismark
- letra de she sang hymns out of tune - don henley
- letra de badlands - brennan savage
- letra de limelight - brennan savage
- letra de pioneers - the republic of wolves