a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de merowinger hop - the piano has been drinking

vür dem südjrill sin fänte am flaniere
vürm trudi es die brill sich am definiere
un en d’r dritte reih es ne parkplatz frei
weil do steht ne leere kaste bier
un die junge vun d’r müllabfuhr dunn desertiere
un die stad es schlau un hät us dä kreuzung
e nadelühr jemaat
domet die hüng mieh platz hann für ze fakaliere

die schöss vum acapulco sin am friere
weil die kundschaff es noch unerhört am rejiere
dä pastur es beim costa dä nubbel am flambiere
un dä büb dä singe für ne blaue am ussortiere
vun dä ein sick joov et domols für die brunge nur applaus
die andre sick däät bloomepött spendiere
un vörre links un rääts zwei banke stiefstaats wie portiers
doch für dä feinkostlade mussde’t schmalz
selvs produziere

wat en stadt – wat en strooss
weltstadt – weltstrooss
un die ahl vum büdche es zwei un zwei am halbiere
un meddendrin danz ne pappschutzmann
dä merowinger hop op alle viere

noh dä happy hour deit dä pepe sich saniere
et helja et trottoir entbotanisiere
et jüppche pikante dosefisch diniere
un dat vürfahrtsschild et stroossebild verschängeliere
en vierunveezijer em verbandskaste
falls dä jugoslawe noch ens kütt
un hugo lööt sich nevvenahn en sojawoosch quittiere
övver dä hotelpootz steht ne ritter wat och söns
et reginche es dä vierte underberg am inhaliere

wat en stadt – wat en strooss
weltstadt – weltstrooss
et fränzje es met parkuhre am jongliere
un meddendrin danz ne pappschutzmann
dä merowinger hop op alle viere

dä tünn dräät singe hämchesarg spaziere
en türkemamm es ihr pänz am nummeriere
die zwei vun dä brungjebrannte blonde dunn pariere
un atze es fassade am tätowiere
durch en britz weeden kies un eier
direk vum buur verkauf
doch ov die höhner wirklich jlöcklich sin
wä will dat kontrolliere
da doof vum eck hätt wahrhaftich
en plakatwand ahnjemeet
dobei kunnt hä sich doch su joot ömesöns blamiere

zwei schohjeschäfte eins für cowboys
eins für joot maniere
drei frisöre die dich kreativ skalpiere
op ner deck sin pänz für ahle comics am kassiere
un donevve zwei duuve vum schängemann am kopuliere
dä plus steht he für platzangks für leerjuut un strapaz
un die weetschaff jäjenövver deit zum fünfte mol
dä name variere
ohne die fünf büdche jing he janix wör he schluss
däät die demokratie kollabiere

wat en stadt – wat en strooss
weltstadt – weltstrooss
un dä aki deit dich en dä ress dä welt chauffiere
un meddendrin danz ne pappschutzmann
dä merowinger hop op alle viere

- the piano has been drinking

letras aleatórias

MAIS ACESSADOS