letra de ya rit يا ريت - tamer nafar - תאמר נפאר
[المقطع الأول : تامر نفار]
اكتبلك أغنية حب ملانة كليشيهات
ببدع فكل اشي واشي، وبَبلّم بالاشي هاد
بدي اتخيل.. بوسة بالمطر, بطن بترجف..بس بكره المطر!
“تراوما”!
سقف بدلف! بحط طناجر في كل القُرن
المي في كل الغرف وصلتلي “فُل” للركب!
بدي أصُد النقط!
بحط اغنية الحب بالجارور..
بتعاود تعود، بعد ما افك كل العُقد..
فـ صفيت مبلول ع عتبتك..
إطلعيني من الشارع، دخلك
غطيني في ملابسك..
خايف أبيّن عريان وضعيف أنا جنبك..
اطردي مني جن الفقر اطردي مني جن القهر..
اطردي مني الشعور انه فش بكرا..
اطردي مني جن السم..
اطردي مني دين البنك..
احضنيني اكنه فش بكرا..!
[اللازمة]
ياريت ، يا ريت يا ويا ريت
اكتبلك قديش حبيتك..
بلا جدار لاني عم بشكي من حيط وبنبني حيط بيني وبينك
ياريت ، يا ريت يا ويا ريت
اكتبلك قديش حبيتك..
ياريت، يا ريت ويا ريت
[المقطع الثاني : تامر نفار]
محمود درويش كتب منصير شعب
“لما الشاعر يكتب وصف إباحي لبطن الراقصة”
الله يرحمك.. كنت بزودها!
منصير شعب:
“لما بطن الراقص ينوصف في اباحية ع إيدين شاعرة”!
فبكتُب..!
ضد الشرف اللي كتبوا الذكور
ضد حصار غزة
ضد اللي قطعوا النور..
بكتب للمخيم ضد الريس بالقصور
وحاليًا..
اغنية الحب لاجئة بالجارور
وانا لـَ عتبتك لاجئ.. ذكريني
الظلم مش حاجة بل حاجز
نزليلي ملابسي بلمسك، مستعد أبين عريان وضعيف انا جنبك!
حطي فيّ جن العاشقة..
حطي فيّ جن الثائرة..
اللي بتطالب بالارض وفي شفافي
حطي فيي جن الناضجة..
حطي فيي جن الواثقة..
ما اخاف عليكي ولا اخافك
لنذهب كما نحن ، عاشقة ً حرةً
وشاعرها
لنذهب معا في طريقين مختلفين..
لنذهب كما نحن متحدين ومنفصلين
لنذهب معا
ولنكن طيبين
[اللازمة]
ياريت يا ريت يا ويا ريت
اكتبلك قديش حبيتك..
بلا جدار لاني عم بشكي من حيط وبنبني حيط بيني وبينك!
ياريت, يا ريت يا ويا ريت
اكتبلك قديش حبيتك..
ياريت، يا ريت ويا ريت..
letras aleatórias
- letra de ihana impi - lauri tähkä & elonkerjuu
- letra de okey - nova
- letra de akwai issues - b.o.c- madaki
- letra de omg - xnon
- letra de aquarela do brasil - ney matogrosso
- letra de moon - leon fanourakis
- letra de i'm glad i don't need - frankie cosmos
- letra de no hook - nln xq
- letra de poem 3 (piano) - spring onion
- letra de function - kid2close2u