a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de uren an e stuk - samoerai

Loading...

t’grotste deel van me realiteit is statisch en beperkt
toet de wetmatigheden die me automatisch onderwerpn
an e resem voorgeprogrammeerde mechanische concepten
die de boasis vormn van woaruit dak ik dagelijks vertrekken

der is gin vrije wil ik zien e slaaf van e proces
zelden komt er iets verniеuwend of dynamisch up me weg
en dе keren dat gebeurt ist er gin waardevol effect
want in essentie wordt ek ik lik helegansen gereset

ik en nietn te bepaaln over de plek
woa dak de dagen moeten slijten, der is quasi nietn echt
of authenthiek in heel me leven, gin alias of extra
wijze voe me uit te leven, tis ollemale nep
ik doen olene wuk dat er van me verwacht wordt
dag en nacht bluf ek ik up post, zoender dak stoppn
doek elke seconde were dezeste beweging
zoender of te wijken vant patroon woamee dak geïmpregneerd zien

der is 1 wijze toet verandering
ok ik men echte zelvn niemi zien, mor iets anders zien
ok ik de functie dak belichaamn niemi toe kunnen passen
en dus niemi doen woavoarn dak gemakt zien kuk pas

iets beleven, want ot iedere actie tzefde is
e monotoom verloop zoender etwa da van jezelvn is
gebeurt er eigelik nix, tis past ot variëert
en t”ene t’andere lat zien, dat je werkelijk iets creert

t’moment dak niemi doen wa dak osssan deedn
gok vrij zien van de strijd dak dagelijks en gestreedn
ookol wil et zeggen dak noois mi e wijzer gon bewegen
ist zo vele beter dan noois voe jezelvn te kunnen spreken

tmoment dak stoppn is me leven pas gestart
en goak overol notoe, van e doze nor e rommelmarkt
toet dak upnieuw gedwoengn, goa worden toet puur werk
ziek e kleine tijd zovele meer dan juist een uurwerk

letras aleatórias

MAIS ACESSADOS

Loading...