a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de papa - samoerai

ken je da, da gevoel, daj wit daj ziet veranderd
alli, je ziet jezelvn mor ook iets anders
tis moeilijk uit te leggen in e hele resem blabla
mo van t’ene up et andere moment wos ek ik papa

twos plotsklaps, in 1 moment
nie van de dag dak’t resultoat wist van de zw-ngerschapstest
nie van de dag dat je ter wereld kwam en us kwam vergezellen
nie van die eerste ki dak je mocht vastepakken en omhelzen

kweet et nog duidelijk, da rak ek noois verloorn
die gedachte, tope met t’exact moment daj werd geboorn
dak je papa zien is zeker, papa wos je eerste woord
mo das nog nie tmoment woarup dak zinspeelde tevoorn
twos e geweune dag, we woarn wat ant spelen
met de duploblokken bezig ant bouwen an e kasteel
toet dak plots van in den achtergrond geheel werden gegrepen
deur e stem, da moment gokke noois vergeten

je wou vast en zeker etwa vragen of weten
dus zei je vragend met e stemme van goud:
papaa, en da moment wos et beslist
voor eeuwig vastgezet in steen en overgoten deur et licht

twos e klik, e flits, tfeit daj bie iemand zit
die no je upkiekt, van je ofhangt en oneindig om je gift
gelijk wuk dat er oois gebeurt gok heel me leven voe je zorgen
je beschermen en van je houden, me liefde nie verborgen

ik zien papa, joen papa, tgevoel daj toen ervoart
dat iemand zoender dat ie eigelik goe wit woarom verkloart
en je lat blijken dat ie van je houdt en in je ogen kiekt
lik of daj olles voer em ziet, geloof me nie

ok je vertellen daj da moe meemaken zodaj et zoe begrijpen
en kgont je nie kwalijk nemen, je kut nie vergelijken
met iets anders dus je kut oleen mo weten ot gebeurt
je hele overvolt en in een onbekende richting sleurt

ik zien papa, das roare te beseffen
ken nu nog momenten dat me lik voen neerste ki weer treft
tfeit daj gie me nodig et voe te kunnen overleven
zorgt ervoorn dat de verantwoordelijkheid in me explodeert
kvoeln me al machteloos ok soms de toekomst zien paseren
wukke obstakels gon der up je boane komn, en moek proberen
voe je voor te bereiden, zoender dak tusschenkomn
of moek obstakels trachten te vermijden, ik wiln daj gie gelukkig wordt

en tleven got er ossan zien dus nu ziej gie der ook
en doamee goa me’t moeten doen, dus ol de angsten in men hoofd
en ol de twijfels in gedachten meugen zien wa da ze zien
mo tgoat om nu, tdroait om wieder, geliek wa da ze vien

ik gon je olles geven wuk dak peizn da je zoe kun elpen
voer et pad beter te zien tijdens de zoektocht no jezelvn
van nu toet int onendige, ik zie je gern, basta
kzien samoerai, kzien sam durnez en nu ziek ik ook papa

- samoerai

letras aleatórias

MAIS ACESSADOS