letra de feiten - samoerai
ik kunnen et zeer nie verlichten, de tijd kuk nie vertragen
ik en gin helder antwoord kloar up ol je vragen
ken de kracht nie voe joe lasten up mien schouders te dragen
mor ik zien der voe je, gon der zien toet t’ende van me dagen
et duister kuk nie zomo ommetoveren toet licht
botte woordn kuk niе ommezetten in е gedicht
ik kun de angsten nie azomo transformeren toet e kracht
mo kzien der voe je, nie olene mor etwoashn in gedachtn
ik weetn nie ossan wuk te zeggen in situaties
ik zien ook nie ossan de beste partner in reloaties
ken de sk!ll nie voe ossan sterktes te vien in me frustroaties
mor ik zien der voe je, gon der bluvn zien met motivoatie
up momenten daj ze nodig et
ik kunnen nie olles veranderen mo wit dak der wel olles voer over en
en et tenminste telkens gon proberen
ol kuk de wereld nie van richting doen veranderen, bluf ek roteren
da zien feiten, gin slimme weetjes of citoaten
de echte feiten bestoande ut werkelijke woarden
oe eerlijk daj durft zien tegen jezelvn en de rest
oeveel moeite dajt durft doen ot nie zeker is dat et werkt
da zien feiten, gin slimme weetjes of citoaten
de echte feiten bestoande ut werkelijke woarden
oe dapper daj durft zien ot angst ze klauwen zet in je lief
oeveel daj een ander gunt, ookol kriegn je zelve nix
ik kunnen de dustigen not woater briengn
mor ik kunnen niemand dwingn voe te drinken
soms kuk olene mo te loate zien
en lijk et wel alsof dak in men eigen stroom verdrinken
ik kunnen de dustigen not woater briengn
mor ik kunnen niemand dwingn voe te drinken
soms kuk olene mo te loate zien
en lijk et wel alsof dak in men eigen stroom verdrinken
ik kunnen je nie vertellen wa dat een ander je zeggen et
ik zien nie slim genoeg voe je te elpen ok et zelf nie red
soms kuk de woendes amper stelpn ot jen erte lekt
mo kzien der voe je, ookol ziek der zeker nie voe weggelegd
ik kunnen de schamte nie doen uplossen in anverding
ik kunnen de krampen nie stoppen die leiden tot verzwering
kunnen de nachten nie zochter maken oj zelden nog ku slapen
mor ik zien der voe je, gon der voe je zien en bluvn waken
ik kunnen je troanen nie wegwoshn toet e glimlach
je twijfels kuk nie stoppen ok der zelve nog zoen intrappen
wuk zoek ik je kun geven ok nog zovele nie en
olles dak ek en nietn minder want woarom zien we geremd
in et geven, in et liefhebben en het produceren
iemand ut et niet helpen met iets in ze leven
woarom deeln we zo zelden twa van eten
mo verwachten we van iedere toarte e stik te breken
ik kun nie meer dan dakke doen, ook nie minder
ik kunnen nie elk conflict in de toekomst nu verhindern
wuk zoek ik de controle en over etwa int leven
wuk moek ik mezelvn van talent of krachten toemeten
ok elke dag geweune wakker worden, ergens tusshenin
kunnen nie zeggen woa daj in et leven zoe moen beginnen
mor ookol weet ek niet van olles dak ierboven en beschreven
en bluft olles roend me stillestoan tracht ek toch te bewegen
da zien feiten, gin slimme weetjes of citoaten
de echte feiten bestoande ut werkelijke woarden
oe eerlijk daj durft zien tegen jezelvn en de rest
oeveel moeite dajt durft doen ot nie zeker is dat et werkt
da zien feiten, gin slimme weetjes of citoaten
de echte feiten bestoande ut werkelijke woarden
oe dapper daj durft zien ot angst ze klauwen zet in je lief
oeveel daj een ander gunt, ookol kriegn je zelve nix
letras aleatórias
- letra de drewnianej małpy rock (tabb remix) - donguralesko
- letra de girls - tion wayne
- letra de voice-over intro/voice-over session from thriller - michael jackson
- letra de signal hill freestyle - mckay
- letra de not alone - backyard bison
- letra de 2010 - le0ns - לאון אס
- letra de 2pac & immortal technique - i pledge no allegiance - dj chop up
- letra de don't say sorry - vimto(taylorswift14)
- letra de dois idiotas - maiara & maraisa
- letra de nie odpowiadaj - virgin