letra de jaremet hob | جريمة حب - sab3awi
انا وحيد ..قضيت طفولتي داخل ميتم
كبرت بدون أهل.. وتربى داخلي الالم
مالي غير صاحب واحد.. بعرف كل أسراري
ولما كانت تيجي عيني بعينه يعرف كل افكاري
انا وصاحبي عشنا احلى ايام حياتنا
كبرنا سوا واشتغلنا .. وحققنا أحلامنا
وفيوم شفت بنت.. حسيت باستقرار
صرت أفكر وافكر بجمالها ليل ونهار
حكيت لصاحبي عنها حكيتله عن جمالها
انبسط قلي شو رأيك نروح نخطبلك اياها
قلبي فرح بفكر فيها ومن بالي ما راحت
مش متخيل حالي معها جوا بيت واحد
وفعلا .. ثاني يوم لبست البدلة ورحت
كنت خايف ترفض بس الحمدلله توفقت
تمت الخطبه واليالي تمر وزاد الحب
وأفكر متى يجي اليوم اللي بصير فيه أب
اتجوزنا بعد حب دام لاكثر من 6 اشهر
ولما تمرض .. كنت انا لاجلها بسهر
كانت بكل معاني الحب تحاول انها تعبِر
بس للاسف ما طول الحال وبلشت تتغير
—————————————-
يا دنيا ما فيكي امآن
خسرت أعز إنسان
غرتني عمتني أفكاري تسرعت بقراري
يا ربي ندماان
—————————————-
صارت تعمل معي مشاكل ع اتفه سبب
حاولت احل كل شي بينا حاولت اني اتجنب
صرت احس انها تخلق مشاكل بالغصب
وفيوم كبرت المسألة فطلعت وكلي غضب
وعشان مليش حد بهاي الدنيا اشكيله همي
ما لقيت غير صديقي الوحيد اللي يوقف جمبي
رنيت عليه وأول ما فتح خط سألني
شو مال صوتك.؟ أنس تعال لعندي
رحت لعنده وحكيتله مشاكلنا الكثيرة
استغرب وقلي ما الكم مع بعض مدة طويلة
جربت اكون عصبي جربت اكون معها هادي
جربت كل الطرق يا صاحبي بس على الفاضي
روحت على بيتي حاولت اني اتجاهلها
خطرتلي فكره قلت ما الي غير اراقبها
وبالفعل .. ثاني يوم بديت أراقب من بعيد لبعيد
وهون كانت الصدمة لما شفتها مع صاحبي الوحيد
قشعرت واختلت كل موازين الكون بعيوني
كيف قدروا انهم يخنوني؟؟ كيف استغفلوني
كيف قلبهم طاوعهم؟؟ لحتى يطعنوني
كيف وانا اللي اشتريت بس همه اللي باعوني
—————————————-
يا دنيا ما فيكي امآن
خسرت أعز إنسان
غرتني عمتني أفكاري تسرعت بقراري
يا ربي ندماان
—————————————-
الشر اللي فيي زاد وصار لازم انتقم
قلت لازم اخذ حقي واحرق كل هالألم
رنيت عليه وسألته ويينك قلي قدام بيتك
قتلو لازم اشوفك خليك مكانك ..
وفعلا اجيت واخذته على مكان فاضي
رحت والحقد ماليني بشكل مش عادي
و اول ما وصلنا خنقته .. وبديت العن
رفعت السكينه و بكل انحاء جسمه صرت اطعن
ما اعطيته فرصه ..طلعت روحو بين ايديي
خلصت عليه .. ولسا حاس الشر جوا بعنيي
خليته انا بمكانه مرمي وروحت على بيتي
بدي اكمل انتقامي بدي اطفي غيرتي
واول ما شفتها حكتلي لا تبعد عني
شفت صاحبك اليوم وحكالي انك بتحبني
اختلت الرؤيا عندي .. حسيت بدوراان
كمليلي.. احكيلي شو قلك عني كمان
قلي مستحيل تستغني عني
وانك خايف من اليوم اللي فيه رح تخسرني
صاحبك حكالي انك بتعشقني بهوس
صاحبك حكالي امنيتي اني اسعد انس
—————————————-
يا دنيا ما فيكي امآن
خسرت أعز إنسان
غرتني عمتني أفكاري تسرعت بقراري
يا ربي ندماان
—————————————-
letras aleatórias
- letra de feelin' up - the boyboy west coast
- letra de got the time - fatelive
- letra de aaja kaha - 1974 ad
- letra de trap house - 1k phew
- letra de мечта - lord 2.0
- letra de ellen degeneres freestyle - harry mack
- letra de selfish (fuck 'em) (뻐끔) - justhis
- letra de june, after dark - elliot root
- letra de calentura (remix) - juhn
- letra de did the mask come off yet? - jide