a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de sri venkatesa suprabhatham - s. janaki

|ఓం||
కౌసల్యా సుప్రజా రామ పూర్వా సంధ్యా ప్రవర్తతే
ఉత్తిష్ఠ నరశార్దూల కర్తవ్యం దైవ మాహ్నికమ్. ||1||
(2 times)
ఉత్తిష్ఠోత్తిష్ఠ గోవింద ఉత్తిష్ఠ గరుడధ్వజ
ఉత్తిష్ఠ కమలా కాంత త్రైలోక్యం మంగళం కురు. ||2||
(2 times)
మాతస్సమస్త జగతాం మధుకైట భారేః
వక్షో విహారిణి మనోహర దివ్యమూర్తే |
శ్రీ స్వామి నిశ్రిత జనప్రియ దానశీలే
శ్రీ వేంకటేశ దయితే తవ సుప్రభాతమ్. ||3||
(2 times)
తవ సుప్రభాత మరవిందలోచనే
భవతు ప్రసన్న ముఖచంద్రమండలే
విధి శంకరేంద్ర వనితాభి రర్చితే
వృషశైల నాథ దయితే దయానిధే. ||4||
అత్ర్యాది సప్తఋషయస్స ముపా స్యసంధ్యాం
ఆకాశ సింధు కమలాని మనోహరాణి
ఆదాయ పాదయుగ మర్చయుతుం ప్రపన్నాః
శేషాద్రి శేఖర విభో తవ సుప్రభాతం. ||5||
పంచాన నాబ్జభవ షణ్ముఖ వాసవాద్యాః
త్రైవిక్రమాది చరితం విభుధాః స్తువంతి
భాషాపతిః పఠతి వాసరశుద్ధిమారాత్
శేషాద్రి శేఖర విభో తవ సుప్రభాతం. ||6||
(ఈషత్ప్రఫుల్ల సరసీరుహ నారికేళ
పూగద్రుమాది సుమనోహర పాళికానాం)
ఆవాతి మందమనిల స్సహ దివ్యగంధైః
శేషాద్రి శేఖర విభో తవ సుప్రభాతం. ||7||
ఉన్మీల్యనేత్రయుగముత్తమ పంజరస్థాః
పాత్రావశిష్ట కదళీఫల పాయసాని
భుక్త్వా సలీలమథ కేళిశుకాః పఠంతి
శేషాద్రి శేఖర విభో తవ సుప్రభాతం. ||8||
తంత్రీప్రకర్ష మధురస్వనయా విపంచ్యా
గాయత్యనంతచరితం తవ నారదోపి
భాషాసమగ్రమసకృత్కర చారురమ్యం
శేషాద్రి శేఖర విభో తవ సుప్రభాతం. ||9||
(భృంగావళీచ మకరంద రసానువిద్ధ
ఝంకారగీత నినదైః సహ సేవనాయ)
నిర్యాత్యుపాంత సరసీ కమలోదరేభ్యః
శేషాద్రి శేఖర విభో తవ సుప్రభాతం. ||10||
యోషాగణేన వరదధ్ని విమధ్యమానే
ఘోషాలయేషు దధిమంథన తీవ్ర ఘోషాః
రోషాత్కలిం విదధతే కకుభశ్చ కుంభాః
శేషాద్రి శేఖర విభో తవ సుప్రభాతం. ||11||
పద్మేశమిత్రశతపత్ర గతాళివర్గాః
హర్తుం శ్రియం కువలయస్య నిజాంగ లక్ష్యాం
భేరీనినాదమివ బిభ్రతి తీవ్రనాదం
శేషాద్రి శేఖర విభో తవ సుప్రభాతం. ||12||
శ్రీ మన్నభీష్ట వరదాఖిల లోకబంధో
శ్రీ శ్రీనివాస జగదేక దయైక సింధో
శ్రీ దేవతా గృహ భుజాంతర దివ్య మూర్తే
శ్రీ వేంకటా చలపతే తవ సుప్రభాతం. ||13||(2 times)
శ్రీ స్వామి పుష్కరిణి కాప్లవ నిర్మలాంగాః
శ్రేయోర్థినో హరవిరించి సనందనాద్యాః
ద్వారే వసంతి వరవేత్ర హతోత్తమాంగాః
శ్రీ వేంకటా చలపతే తవ సుప్రభాతం. ||14||
(శ్రీ శేషశైల గరుడాచల వేంకటాద్రి
నారాయణాద్రి వృషభాద్రి వృషాద్రి ముఖ్యాం)
ఆఖ్యాం త్వదీయ వసతే రనిశం వదంతి
శ్రీ వేంకటా చలపతే తవ సుప్రభాతం. ||15||
(సేవాపరాః శివసురేశ కృశానుధర్మ
రక్షోంబునాథ పవమాన ధనాధినాథాః)
బద్దాంజలి ప్రవిలసన్నిజ శీర్షదేశాః
శ్రీ వేంకటా చలపతే తవ సుప్రభాతం. ||16||
(ధాటీషు తే విహగరాజ మృగాధిరాజా
నాగాధిరాజ గజరాజ హయాధిరాజాః)
స్వస్వాధికార మహిమాదిక మర్థయంతే
శ్రీ వేంకటా చలపతే తవ సుప్రభాతం. ||17||
(సూర్యేందు భౌమ బుధవాక్పతి కావ్యసౌరి
స్వర్భానుకేతు దివి షత్పరిషత్ప్రధానాః)
త్వద్దాస దాస చరమావధి దాస దాసాః
శ్రీ వేంకటా చలపతే తవ సుప్రభాతం. ||18||
త్వత్పాదధూళిభరిత స్ఫురితోత్తమాంగాః
స్వర్గాపవర్గనిరపేక్ష నిజాంతరంగా
కల్పాగమాకలనయా కులతాం లభంతే
శ్రీ వేంకటా చలపతే తవ సుప్రభాతం. ||19||
త్వద్గోపురాగ్ర శిఖరాణి నిరీక్షమాణాః
స్వర్గాపవర్గ పదవీం పరమాంశ్రయంతః
మర్త్యా మనుష్యభువనే మతిమాశ్రయంతే
శ్రీ వేంకటా చలపతే తవ సుప్రభాతం. ||20||
శ్రీ భూమి నాయక దయాది గుణామృతాబ్ధే
దేవాదిదేవ జగదేక శరణ్యమూర్తే
శ్రీ మన్ననంత గరుడాదిభి రర్చితాంఘ్రే
శ్రీ వేంకటా చలపతే తవ సుప్రభాతం. ||21||
శ్రీ పద్మనాభ పురుషోత్తమ వాసుదేవ
వైకుంఠ మాధవ జనార్ధన చక్రపాణే
శ్రీవత్సచిహ్న శరనాగతపారిజాత
శ్రీ వేంకటా చలపతే తవ సుప్రభాతం. ||22||
కందర్పదర్పహర సుందర దివ్యమూర్తే
కాంతా కుచాంబురుహ కుట్మలలోలదృష్టే
కళ్యాణ నిర్మల గుణాకర దివ్య కీర్తే
శ్రీ వేంకటా చలపతే తవ సుప్రభాతం. ||23||
మీనాకృతే కమఠ కోల నృసింహ వర్ణిన్
స్వామిన్ పరశ్వథ తపోధన రామచంద్ర
శేషాంశ రామ యదునందన కల్కిరూప
శ్రీ వేంకటా చలపతే తవ సుప్రభాతం. ||24||
ఏలాలవంగ ఘనసార సుగంధి తీర్థం
దివ్యం వియత్సరతి హేమఘటేషు పూర్ణం
ధృత్వాద్య వైదిక శిఖామణయః ప్రహృష్టాః
తిష్ఠంతి వేంకటపతే తవ సుప్రభాతం. ||25||
భాస్వానుదేతి వికచాని సరోరుహాణి
సంపూరయంతి నినదైః కకుభో విహంగాః
శ్రీవైష్ణవాః సతత మర్చిత మంగళాస్తే
ధామాశ్రయంతి తవ వేంకట సుప్రభాతం. ||26||
బ్రహ్మాదయస్సురవరాస్స మహర్షయస్తే
సంతస్సనందన ముఖాస్త్వథ యోగివర్యాః
ధామాంతికే తవ హి మంగళవస్తు హస్తాః
శ్రీ వేంకటా చలపతే తవ సుప్రభాతం. ||27||
లక్ష్మీనివాస నిరవద్య గుణైక సింధో
సంసార సాగర సముత్తరణైక సేతో
వేదాంత వేద్య నిజవైభవ భక్తభోగ్య
శ్రీ వేంకటా చలపతే తవ సుప్రభాతం. ||28|| (2 times)
ఇత్థం వృషాచలపతే రిహ సుప్రభాతం
యే మానవాః ప్రతిదినం పఠితుం ప్రవృత్తాః
తేషాం ప్రభాత సమయే స్మృతిరంగ భాజాం
ప్రజ్ఞాం పరార్థ సులభాం పరమాం ప్రసూతే. ||29|| (2 times)
(end)

- s janaki

letras aleatórias

MAIS ACESSADOS