a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de سمي ومي / sky and water - razor records

paroles / كلمات de razor records “sky and water / سمي ومي”
[fuad gritli :المقدمة]
في قلبي هلبا هموم ونبكي عليك يابلادي
من دموعي معادش قادر نشوف
ماشي متغرب ونسمع في صوتك تنادي
ماتلومينيش حُكمة الظروف
like fire burning ،فراقك صعيب
رغم إني قاعد متغرب فيك
i can’t sleep no more no more
مش هاين عليا نخليك

[adamy :المقطع الأوّل]
كل انسان عنده مكان المفروض يعيش فيه
كل بنادم عنده وطن هو ليه ينتمي
يغير ويحافظ عليه وهذا الوطن لعبوا فيه
جو شماتة فتنة جاته الأولاد الآلعبي
من يقول بلادي هكي يوم بتولي
هم ودم وغم، من اللي يرضى بيه
وجو أخي، فاد وضايقة الخلوق enemy
فوق من هكي مر ومستحيل ان اذوق
مش ماشية الأمور في البلاد كلها تسب
والبلاد ماتنسب بل بالعكس تنحب
لكن الخزي والعار علي اللي ظلم واخنب
علي اللي ضيع وطن واللي كان السبب
اللي قتل وهرب واللي خان التربة
بنادم في بلاده ولا عايش في غربة
حقد وشر، سوس ونفخ وقرمة
ميليشيات ناس مش محترمة
نبي شن الأسباب
ليش ديما تسكروا علي وجوهنا الباب
ليش دخلتونا حالة اكتئاب
ليش مانعيشوش في وسط بلادنا حباب
ياسر سادنا عذاب
اني شاب بديت نفكر اني نلم قشيشي من البلاد هذي ونمشي اندور وين نهج
بديت نعول بأي طريقة نبي نهرب من الخريطة نبي نمشي نكون بعيد عن الهمج
بالك نمشي تشد، هي خلي نشوف شن مطيّن قداش عندي من فلوس نعد
“كان نقصوا عليك؟”
طول نخدم وانكِد
هني العيشة راهو ولت هلبا فدد
وعيت نكمِد
قاعدين متغربيين في بلادنا اللي كل يوم لتالي
الحمارة حمارتنا وماشيين كعابي
وماركبناش حتى من لتالي

[اللازمة]
في قلبي هلبا هموم ونبكي عليك يابلادي
من دموعي معادش قادر نشوف
ماشي متغرب ونسمع في صوتك تنادي
ماتلومينيش حكمة الظروف
like fire burning ،فراقك صعيب
رغم إني قاعد متغرب فيك
i can’t sleep no more no more
مش هاين عليا نخليك

[adamy :المقطع الثاني]
بديت نلم في الفلوس بنظّم الأمور وبنقدم في تأشيرة نبي نتم الأوراق
خدمة سوّاق وخدمة زوّاق وديما ندور في الأسواق، المهم بالعرق
توا اهني طاق، غادي في تونس بعتوني ماشي السفارة يبوني زعما تشد ومايردوني
جيت وغادي استقبلوني، بلادك ارهاب قالولي
بعد ماجريت وعييت مرمدوني ما قبلوني
قالولي بلادك شر، ماعندناش ثقة فيك كيف بتمر
واني مُصر مازال علي السفر
مافيش حل تاني إلا طريق البحر، زاد همي كبر
وليت البلاد ولقيت هلبا شباب بيهاجروا
وبعد تنسيق و جري تلخبيط، لقينا روحنا راكبين في نفس البيادجو
خوف كبير، ماشي رحلة مش معروف شن يصير
شفت فوق تمنيت نكون مكان الطيور اللي فوق اطير
لكن في أمل إنّي نكمل، بالك غادي نستقر، نحصل عمل
في بلادي قاموا الجمل بما حمل
فتنة ومني يبي يلم الشمل، ومشينا
خشينا نص البحر، تغيّرت الأمور صبت علينا مطر
ربي يستر، تيّار مستمر والقارب انكسر، والناس هاجوا
موج من كل مكان وبدي الدفان في لحظة مر وبان شريط حياتي زمان
وشكله آن الآوان وجتني موجة قوية، اعطيني ايدك يا فلان
“وقّف قيمه وقّف”
“أما وقّف، فوته”
“حول ننزلوله حول”
“ياولاد انقيموه كلنا”
“اني بنكمل، اللي بيطيح بنفوته”
بديت نمت ونمت، لهذا لاهي في روحه، الموجة زادت علت
والسفينة اختفت، شكلها الرحلة بتّم قمت صبعي شهدت
“شن بيصير”

[adamy :المقطع الثالت]
ما بين الأمواج الهايجة، بنادم فوق المية يبانوا منه إلا حوايجه
شفتوا، تصكير الراس شن نتائجه، لكن ربي قدر إني قريب من البارجة
ولما جوني قاموني ماكنتش نعرف اني حي، جوني رفعوني سعفوني
زعما لسواد عيوني، ولا في موضوع تاني ويبوا يخدعوني
وخشينا لقيت زحمة، في الكامبو تجمعنا
في مكان اخي تلوحنا، مع الغرباء تشرتعنا
هذي البلاد اللي مدحنا
زعما بتّم المحنة
مازال الخير ماشبحنا
زعما في أخبار تريحنا
جوني قالوا، تبي تبصم ولا تبي تمشي مكان ثاني توا هي فهمنا شن تبي
وزيد فهمنا شن اللي جابك، خيرك مسيب بلادك، هاك البيرو توا عبي
حكيتلهم ظروفي وشن اللي جايبني
والدمعة في عيني والعبرة خانقتني
حاس بجو مش عاجبني، قالولي كان تبي اوراقك بتلبي
our orders
بان عليا المدسوس، عرفت اللي صار كله كان شيء مدروس
يانولي كافر مانجوس، يا إما نولي بلادي نخدك ليهم جاسوس
دمرولنا بلادنا وخلونا نجوهم يا بلادي خسارة
مستاحشن الميمة واللي طلع من داره قل مقداره

[fuad gritl :الخاتمة]
في قلبي هلبا هموم ونبكي عليك يابلادي
من دموعي معادش قادر نشوف
ماشي متغرب ونسمع في صوتك تنادي
ماتلومينيش حكمة الظروف
like fire burning ،فراقك صعيب
رغم إني قاعد متغرب فيك
i can’t sleep no more no more
مش هاين عليا نخليك

- razor records

letras aleatórias

MAIS ACESSADOS